చిరంజీవి 'గాడ్ ఫాదర్' టీజర్ కు డేట్ లాక్
cinema | Suryaa Desk | Published : Thu, Aug 18, 2022, 04:50 PM
మోహన రాజా దర్శకత్వంలో టాలీవుడ్ మెగా స్టార్ చిరంజీవి ఒక సినిమా చేస్తున్న సంగతి అందరికి తెలిసిందే. ఈ సినిమాకి "గాడ్ ఫాదర్" అనే టైటిల్ ని మూవీ మేకర్స్ లాక్ చేసారు. ఈ సినిమా మలయాళంలో "లూసిఫర్‌" సినిమాకు రీమేక్. ఈ సినిమాలో బాలీవుడ్ స్టార్ హీరో సల్మాన్ ఖాన్ కీలక పాత్రలో కనిపించనున్నాడు. పొలిటికల్ డ్రామా ట్రాక్ లో రానున్న ఈ సినిమాలో చిరంజీవి సోదరిగా లేడీ సూపర్ స్టార్ నయనతార నటిస్తోందని సమాచారం. తాజాగా ఇప్పుడు మెగాస్టార్ పుట్టినరోజుకి ఒక రోజు ముందు అంటే ఆగస్ట్ 21, 2022న ఈ సినిమా టీజర్‌ను విడుదల చేయనున్నట్లు మూవీ మేకర్స్ అధికారికంగా ప్రకటించారు. ఇదే విషయాన్ని తెలియజేసేందుకు మూవీ మేకర్స్ ఒక స్పెషల్ పోస్టర్‌ను విడుదల చేశారు. పూరి జగన్నాధ్, సునీల్, సత్యదేవ్ తదితరులు ఈ సినిమాలో కీలక పాత్రలో కనిపించనున్నారు. ఈ ప్రాజెక్ట్ గురించి మరిన్ని వివరాలు మేకర్స్ త్వరలో వెల్లడి చేయనున్నారు.
|
|