అల్లుఅర్జున్ ఇచ్చిన ఐడియాతోనే "లైగర్" - పూరీ
cinema | Suryaa Desk | Published : Wed, Aug 24, 2022, 06:55 PM
డాషింగ్ డైరెక్టర్ పూరి జగన్నాధ్, స్టైలిష్ స్టార్ అల్లుఅర్జున్ కాంబోలో 2013లో "ఇద్దరమ్మాయిలతో" అనే రొమాంటిక్ యాక్షన్ ఎంటర్టైనర్ విడుదలైన సంగతి తెలిసిందే. ఈ మూవీ షూట్ టైం లో జరిగిన ఒక అనుభవంతోనే పూరి లైగర్ మూవీని తెరకెక్కించారట.
ఇద్దరమ్మాయిలతో షూట్ టైం లో అల్లు అర్జున్ ఒక ప్రముఖ హాలీవుడ్ డైరెక్టర్ గురించి పదే పదే చెప్తూ ఉండేవారట. అలానే ఆయన తీసిన సినిమాల గురించి కూడా. ఈ క్రమంలోనే హీరోలకు ఏదో ఒక అవలక్షణం తో సినిమా ఎందుకు రాకూడదు? అలాంటి స్టోరీ లైన్ మీరెందుకు రాయకూడదు? అని పూరీని అడిగారట. అల్లు అర్జున్ ఇచ్చిన ఈ ఐడియాతోనే పూరి హీరోకు నత్తిని పెట్టాలని నిర్ణయించుకున్నారట. అలానే తనకెప్పటి నుండో MMA (మిక్స్డ్ మార్షల్ ఆర్ట్స్) పై సినిమా చెయ్యాలని కోరిక ఉండేదట. ఈ రెండిటికి జత కుదిర్చి పూరి రాసిన స్క్రిప్టే "లైగర్" మూవీ. ఈ విషయాన్ని స్వయంగా పూరీనే సుకుమార్ తో జరిగిన ఇంటర్వ్యూలో చెప్పారు.
విజయ్ దేవరకొండ, అనన్యపాండే జంటగా నటిస్తున్న ఈ చిత్రం ఆగస్టు 25వ తేదీన అంటే రేపే విడుదల కాబోతుంది.
|
|