ప్రేక్షకుల కోరిక మేరకు 'కోబ్రా' రన్ టైమ్ 20 నిమిషాలు ట్రిమ్
cinema | Suryaa Desk | Published : Thu, Sep 01, 2022, 04:05 PM
అజయ్ జ్ఞానముత్తు దర్శకత్వంలో కోలీవుడ్ వర్సటైల్ యాక్టర్ చియాన్ విక్రమ్ నటించిన యాక్షన్ థ్రిల్లర్ డ్రామా 'కోబ్రా' ఆగస్టు 31న గ్రాండ్ గా విడుదలైంది. ఈ సినిమా విడుదలైన రోజు నుంచి సినీ ప్రేమికులు మరియు విమర్శకుల నుండి మిక్స్డ్ రెస్పాన్స్ను అందుకుంది. అయితే తాజాగా మూవీని వీక్షించిన మెజారిటీ ప్రేక్షకులు సినిమా ఎక్కువ రన్ టైమ్ ని కలిగి ఉందని, మేకర్స్ కాస్త ట్రిమ్ చేసి ఉంటే బాగుండేదని అభిప్రాయపడ్డారు. సినీ ప్రేక్షకుల సూచనలను పరిగణనలోకి తీసుకున్న కోబ్రా మూవీ మేకర్స్ సినిమాను 20 నిమిషాలు ట్రిమ్ చేసినట్లు వెల్లడించారు. ఇదే విషయాన్ని మూవీ టీమ్ సోషల్ మీడియా ద్వారా ప్రకటించింది.
ఈ సినిమాలో విక్రమ్కు జోడీగా శ్రీనిధి శెట్టి నటిస్తోంది. ఈ సినిమాలో ఇర్ఫాన్ పఠాన్, రోషన్ మాథ్యూ, మియా జార్జ్, మృణాళిని రవి, కెఎస్ రవి కుమార్ తదితరులు కీలక పాత్రలలో నటిస్తున్నారు. ఎఆర్ రెహమాన్ ఈ సినిమాకి సంగీతం అందిస్తున్నారు. సెవెన్ స్క్రీన్ స్టూడియోస్ ఈ సినిమాని నిర్మించారు.
|
|