పవన్ ఫ్యాన్సా మజాకా.. థియేటర్లను షేక్ చేస్తున్న పవన్ ఫ్యాన్స్
cinema | Suryaa Desk | Published : Thu, Sep 01, 2022, 06:04 PM
పవర్ స్టార్ పవన్ కళ్యాణ్ బర్త్ డేకి రెండు రోజుల ముందే థియేటర్ల వద్ద పండుగ వాతావరణం మొదలైంది. 'తమ్ముడు', 'జల్సా' సినిమాలు థియేటర్లలో రీరిలీజ్ అవడంతో పవన్ అభిమానులు సందడి చేస్తున్నారు. దీనికి సంబంధించిన వీడియోలు నెట్టింట వైరల్ అవుతున్నాయి. ఓ వీడియోలో 'జల్సా' సినిమాను చూస్తూ థియేటర్లలోనే అభిమానులు టపాసులు కాల్చారు.
అయితే ఆగస్టు 31న పలు థియేటర్లలో తమ్ముడు సినిమాను రీ రిలీజ్ చేశారు. ప్రసాద్ ఐమ్యాక్స్తోపాటు తెలుగు రాష్ట్రాల్లోని పలు మల్టీప్లెక్స్లు, సింగిల్ స్క్రీన్ థియేటర్లలో ఈ సినిమాను ప్రదర్శించారు. ఈ థియేటర్ల వద్ద పవన్ అభిమానులు చేసిన సందడి కొత్త సినిమా రిలీజ్ని తలపించింది. సినిమా హాళ్ల ఎదుట భారీ కటౌట్స్, బ్యానర్లు ఏర్పాటు చేశారు. ఇక థియేటర్ల లోపల కూడా పండగ వాతావరణమే కనిపించింది. ముఖ్యంగా తమ్ముడు సినిమాలోని పవన్ ఎంట్రీ సీన్, మేడ్ ఇన్ ఆంధ్రా స్టూడెంట్ పాట, క్లైమాక్స్ ఫైట్ సీన్లకు ఫ్యాన్స్కు కాగితాలు ఎగురవేసి డ్యాన్స్లతో హోరెత్తిస్తున్నారు.
|
|