మల్టీప్లెక్స్ థియేటర్లో ఆ రోజు టికెట్ ధర రూ.75 మాత్రమే.
cinema | Suryaa Desk | Published : Sat, Sep 03, 2022, 04:29 PM
కరోనా కారణంగా ప్రపంచమంతా కొన్ని నెలలపాటు స్తంభించిపోయింది. జనాలు ఇళ్లకే పరిమితమయ్యారు. థియేటర్లు మూతపడ్డాయి. మళ్లీ మనిషి జీవన విధానం దార్లో పడటానికి సమయం పట్టింది. కరోనా తగ్గుముఖం పట్టడం పరిస్థితులు దార్లోకి రావడంతో వినోదాన్ని పంచే థియేటర్లు తెరుచుకున్నాయి. కరోనా తర్వాత సెప్టెంబర్ 16న పూర్తి స్థాయిలో దేశమంతా థియేటర్లు తెరుచుకున్నాయి. అందుకే ఆ రోజు ‘నేషనల్ సినిమా డే’గా సెలబ్రేట్ చేస్తున్నారు. ఆరోజు దేశవ్యాప్తంగా 4000 మల్టీప్లెక్స్ స్ర్కీన్స్లో రూ. 75 టికెట్ రేటు అందుబాటులో ఉంటుంది. అయాన్ ముఖర్జీ దర్శకత్వం వహించిన ‘బ్రహ్మాస్త్ర’ చిత్రం ఈ నెల 9న హిందీ, తెలుగు, తమిళ, మలయాళ భాషల్లో విడుదల కానుంది. అలాగే తెలుగు చిత్రం ‘ఒకే ఒక జీవితం’ కూడా అదే రోజున విడుదల కానుంది. ఆ ఆ రోజున ఈ చిత్రాలను మల్టీప్లెక్స్లో చూడాలంటే రూ.250కు పైగా ఖర్చు చేయాల్సిందే. కానీ ఈ నెల 16న చూడాలనుకుంటే రూ.75 రూపాయలకే చూడొచ్చు. బుక్ మై షో వంటి యాప్స్లో టికెట్ కొనుగోలు చేస్తే ఎక్స్ట్రా ఛార్జీలు పడతాయి. థియేటర్ దగ్గర టికెట్ తీసుకుంటే మల్టీప్లెక్స్ యాజమాన్యం ప్రకటించిన రేటుకే టికెట్ దక్కుతుంది. ఆన్ లైన్ బుకింగ్ రేటులో ఏ మార్పులేదుఅని పేర్కొన్నారు.
|
|