బాయ్కాట్ ట్రెండ్ వల్ల డబ్బులు ముట్టుతున్నాయ్: స్వరాభాస్కర్
cinema | Suryaa Desk | Published : Sat, Sep 03, 2022, 08:03 PM
కొందరు పనిగట్టుకొని బాలీవుడ్ను నాశనం చేయాలని చూస్తున్నారని స్వరా భాస్కర్ మండిపడ్డారు. ఏ సినిమా విడుదలైనా బాయ్కాట్ అంటూ సోషల్ మీడియాలో ట్వీట్లు, ట్రోల్స్ చేస్తున్నారని, అందుకు వాళ్లకు డబ్బులు ముడుతున్నాయని ఆరోపించారు. ఒకే వ్యక్తి వంద సోషల్ మీడియా ఖాతాలను నిర్వహిస్తాడని, అందులో కొన్ని ఏజెన్సీలు పాల్గొంటాయన్నారు. జనాలు అది నిజమే అనుకుని సినిమా చూడాలంటేనే భయపడ్తున్నారని కామెంట్ చేశారు. ఇది కేవలం పూర్తిగా కృత్రిమమని, కానీ ప్రజలు సాధారణంగా జరుగుతుందని భావిస్తున్నారని పేర్కొంది. బాయ్కాట్ అనేది సినిమా వసూళ్లపై ఎంత మేరకు ప్రభావం చూపుతుందో తెలియని చెప్పింది.
సినిమాలు ఆడకపోవడానికి అనేక కారణాలు ఉండవచ్చన్న స్వరా.. ప్రజల అభిరుచులు మారుతున్నాయని, కుటుంబ సమేతంగా ప్రజలు థియేటర్లో సినిమాలు చూడాలంటే భయపడుతున్నారన్నారు. ప్రస్తుతం ప్రజల వద్ద డబ్బు లేకపోవడం పెద్ద విషయమని, ఆర్థిక సంక్షోభంలో కూరుకుపోతున్నారన్నారు. అందరూ ఫ్లాప్ సినిమాల గురించి మాట్లాడుతున్నారే కానీ.. గంగుబాయ్ కతియావాడి, భూల్ భూలయ్య-2 సినిమాలు హిట్ అయ్యాయని, వాటి గురించి ఎవరూ మాట్లాడడం లేదంటూ నిలదీసింది. ప్రస్తుతం సర్వా భాస్కర్ ‘జహాన్ చార్ యార్’ చిత్రంలో నటిస్తుండగా.. త్వరలో ప్రేక్షకుల ముందుకురానున్నది
|
|