మెగా ఫ్యామిలీ లోని మామా అల్లుళ్ళ కాంబినేషన్ ఉన్నట్టా లేనట్టా?

హరీశ్ శంకర్ ‘భవదీయుడు భగత్‌సింగ్’  చిత్రం గురించి ఇక చెప్పనే అక్కర్లేదు. ఫ్యాన్స్‌కు తన ట్వీట్లతో ఎలివేషన్స్ మాత్రం ఇస్తున్నాడు. సినిమా ఎప్పుడు పట్టాలెక్కుతుందో అతడికే క్లారిటీ లేదు. ఈ నేపథ్యంలో పవర్ స్టార్ తమిళ రీమేక్ చిత్రం ‘వినోదయ చిత్తం’  ట్రాక్ ఎక్కడానికి ఇంకా చాలా టైమ్ పడుతుందని సమాచారం అందుతోంది. ఈ సినిమా కోసం పవర్ స్టార్ నుంచి  తక్కువ కాల్షీట్స్ తీసుకొని.. కేవలం 20 రోజుల్లో ఆయన కాంబినేషన్ సీన్స్‌ను షూట్ చేయాలని ప్లా్న్ చేసుకున్నారు మేకర్స్. దీని కోసం చాలానే హోం వర్క్ జరిగింది. ఇందులో మరో ముఖ్యపాత్ర చేస్తున్న సాయిధరమ్ తేజ్  వేరే సినిమాలకు కమిట్‌మెంట్స్ ఇవ్వలేదు. చినమావయ్యతో నటించే అరుదైన అవకాశాన్ని వదులుకోడానికి అతడు రెడీగా లేడు. అయితే పవన్ మాత్రం ఏదీ తేల్చుకోలేకపోతున్నట్టు వినికిడి. త్రిక్రమ్ ఫైనల్ వెర్షన్ రెడీ చేయించినా ఎలాంటి నిర్ణయం తీసుకోలేకపోతున్నారట. ఒరిజినల్ వెర్షన్ తెరకెక్కించిన సముద్రఖని నే ఈ సినిమాను తెరకెక్కించబోతున్నాడు. అయితే ఆయన ప్రస్తుతం వరుస చిత్రాలతో ఫుల్ బిజీగా ఉన్నారు. సముద్రఖని ఆర్టిస్ట్ గా మూడు భాషల్లో వరుసగా నటిస్తున్నారు. ఎప్పుడు పడితే అప్పుడు పవన్ తో సినిమా తీయమంటే.. ఒప్పుకొనే రకం కాదు. కనీసం నెల ముందుగా ప్లాన్ చేసుకుంటేనే తప్ప.. చిత్రం పట్టాలెక్కే అవకాశం లేదు. నిజానికి ఓటీటీలో ఎప్పుడు రిలీజ్ అయిందో ఎవరికీ తెలియని ‘వినోదయ చిత్తం’ చిత్రం గురించి పవన్ అభిమానులకు అంతగా ఆసక్తి లేదు. ఇప్పుడు హరిహర వీరమల్లు’  పైనే ఉంది. ముందుగా ఈ సినిమాను కంప్లీట్ చేయడంపై దృష్టిపెట్టండని పవన్‌ను అభ్యర్ధిస్తున్నారు. మరి దీనికి పవర్ స్టార్ ఎలా రియాక్ట్ అవుతారో..చూడాలి.