ట్రెండింగ్
"SSMB 28" లేటెస్ట్ మేజర్ అప్డేట్
cinema | Suryaa Desk | Published : Fri, Sep 09, 2022, 01:50 PM
సూపర్ హిట్ డైరక్టర్ - హీరో కాంబో మాటల మాంత్రికుడు త్రివిక్రమ్ - సూపర్ స్టార్ మహేష్ బాబు కలయికలో దాదాపు పదకొండేళ్ల తదుపరి ఒక సినిమా రాబోతుందన్న విషయం తెలిసిందే. ఈ ఇద్దరి కాంబోలో వచ్చిన అతడు, ఖలేజా సినిమాలు ప్రేక్షకుల హాట్ ఫేవరెట్. దీంతో ఇప్పుడు రాబోతున్న ఈ సినిమాపై ప్రేక్షకాభిమానుల్లో భారీ అంచనాలు ఉన్నాయి.
లేటెస్ట్ అప్డేట్ ప్రకారం, ఈ మూవీ రెగ్యులర్ షూటింగ్ సెప్టెంబర్ 12వ తేదీ నుండి మొదలవబోతుందట. ఈ షెడ్యూల్ లో మహేష్ బాబు పై భారీ యాక్షన్ ఎపిసోడ్ తెరకెక్కిస్తారట. ఈ మూవీ వచ్చే సంవత్సరం ఏప్రిల్ 28వ తేదీన రిలీజ్ కాబోతుంది.
ఈ సినిమాలో పూజాహెగ్డే హీరోయిన్ గా నటిస్తుండగా, తమన్ సంగీతం అందిస్తున్నారు. హారిక అండ్ హాసిని క్రియేషన్స్ బ్యానర్ పై ఎస్. రాధాకృష్ణ ఈ సినిమాను నిర్మిస్తున్నారు.
|
|