100కి పైగా దేశాల్లో విడుదల కానున్న 'విక్రమ్ వేద'
cinema | Suryaa Desk | Published : Fri, Sep 16, 2022, 03:53 PM
మాధవన్ అండ్ విజయ్ సేతుపతి నటించిన తమిళ సినిమా "విక్రమ్ వేద" సినిమాని హిందీలో రీమేక్ చేస్తున్న సంగతి అందరికీ తెలిసిందే. ఈ సినిమాకి పుష్కర్ అండ్ గాయత్రి దర్శకత్వం వహిస్తున్నారు. ఈ హిందీ వెర్షన్ రీమేక్ లో హృతిక్ రోషన్ అండ్ సైఫ్ అలీ ఖాన్ నటిస్తున్నారు. యాక్షన్ థ్రిల్లర్ ట్రాక్ లో రానున్న ఈ సినిమా 100కి పైగా దేశాల్లో రిలీజ్ అవుతుందని గతంలో వార్తలు వినిపించాయి. అయితే ఇప్పుడు మూవీ మేకర్స్ ఈ విషయాన్ని అధికారికంగా ఆన్లైన్లో ప్రకటించారు.
ఈ నియో-నోయర్ యాక్షన్ థ్రిల్లర్ సినిమాలో రాధికా ఆప్టే కీలక పాత్రలో కనిపించనుంది. సైఫ్ అలీ ఖాన్ విక్రమ్ రోల్ లో కనిపించనుండగా, హృతిక్ రోషన్ వేద రోల్ పోషిస్తున్నాడు. సెప్టెంబర్ 30, 2022న ఈ సినిమాని రిలీజ్ చేసేందుకు మేకర్స్ ప్లాన్ చేస్తున్నారు. వై నాట్ స్టూడియోస్, రిలయన్స్ ఎంటర్టైన్మెంట్ అండ్ ఫ్రైడే ఫిల్మ్వర్క్స్ ఈ సినిమాని నిర్మిస్తున్నాయి.
|
|