సీతరామం మూవీకి సీక్వెల్ పై స్పందించిన దుల్కర్ సల్మాన్

దుల్కర్ సల్మాన్, మృణాల్ ఠాకూర్ ల కలయికలో తెరకెక్కిన లేటెస్ట్ బ్లాక్ బస్టర్ మూవీ సీతారామం. హను రాఘవపూడి తెరకెక్కించిన ఈ రొమాంటిక్ లవ్ ఎమోషనల్ మూవీ యుద్ధంతో రాసిన ప్రేమకథ అనే కాన్సెప్ట్ తో తెరకెక్కి ఆడియన్స్ మనసు దోచుకుంది. ఇక ఈ మూవీలోని సాంగ్స్ కూడా ఆడియన్స్ ని ఎంతో ఆకట్టుకున్నాయి. ఇక ఈ మూవీ తెలుగు, తమిళ్ తో పాటు మలయాళం, హిందీ భాషల్లో కూడా భారీ సక్సెస్ అందుకుని మంచి కలెక్షన్స్ దక్కించుకుంది.

సీతరామంలో ఇతర పాత్రల్లో మురళి శర్మ, వెన్నెల కిషోర్, సుమంత్, భూమిక, గౌతమ్ మీనన్ కనిపించగా కీలక పాత్రలో రష్మిక మందన్న నటించారు. ఇటీవల అమెజాన్ ప్రైమ్ ఒటిటిలో అందుబాటులోకి వచ్చిన ఈ మూవీ ప్రస్తుతం ఆడియన్స్ నుండి మంచి వ్యూస్ దక్కించుకుని దూసుకెళుతోంది. అయితే విషయం ఏమిటంటే, ఈ ప్రతిష్టాత్మక మూవీకి సీక్వెల్ రానుంది అనే వార్త కొద్దిరోజులుగా పలు మీడియా మాధ్యమాల్లో ప్రచారం అవుతున్న నేపద్యంలో సీతారామం హిందీ వర్షన్ సక్సెస్ సందర్భంగా నేడు హిందీ మీడియాతో మాట్లాడుతూ హీరో దుల్కర్ సల్మాన్ పలు ఇంట్రెస్టింగ్ కామెంట్స్ చేసారు.

నిజానికి తాను నటుడిని కాకముందే ఒక నిర్ణయం తీసుకున్నని, ఏదైనా సినిమా ప్రేక్షకుల యొక్క మెప్పు, ఆదరణ పొంది పెద్ద క్లాసిక్ గా నిలిస్తే దానిని ఏ మాత్రం టచ్ చేయకూడదు అని అనుకున్నాను అన్నారు. అలానే సీతారామం మూవీని మేము భావించినట్లుగా మీరందరూ ఎంతో ఆదరించి ఒక క్లాసిక్ మూవీగా నిలిపారు. అలానే ఆ మూవీ మీ అందరి మనసుల్లో చెరగని ముద్ర వేసింది. అటువంటి క్లాసిక్ ని చెరపకూడదనేదే తన ఆలోచన అని, అందుకే సీతారామం కి సీక్వెల్ ఉండదనే తాను భావిస్తున్నట్లు తెలిపారు దుల్కర్. కాగా రీమేక్ మూవీస్ విషయంలోనూ తన వైఖరి అదే అని ఆయన వెల్లడించారు.