“IPL హీట్ పెరిగింది.. ఢిల్లీని ఓడించి ప్లేఆఫ్స్ దిశగా CSK అడుగు!”

ఐపీఎల్ 2026 సీజన్‌ను వరుస పరాజయాలతో ప్రారంభించిన చెన్నై సూపర్ కింగ్స్ ఇప్పుడు గెలుపుల బాట పట్టింది. ముంబై ఇండియన్స్‌పై రెండు విజయాలు సాధించిన చెన్నై, తాజాగా ఢిల్లీ క్యాపిటల్స్‌పై మరో ఘన విజయం నమోదు చేసింది.ఢిల్లీలో జరిగిన ఈ మ్యాచ్‌లో Chennai Super Kings 8 వికెట్ల తేడాతో ఆతిథ్య ఢిల్లీ క్యాపిటల్స్‌ను ఓడించింది.టాస్ గెలిచి తొలుత బ్యాటింగ్ చేసిన ఢిల్లీ క్యాపిటల్స్ 20 ఓవర్లలో 7 వికెట్ల నష్టానికి 155 పరుగులు మాత్రమే చేసింది. Pathum Nissanka 15 బంతుల్లో 19 పరుగులు చేయగా, KL Rahul 13 బంతుల్లో 12 పరుగులు మాత్రమే చేశారు. నితీశ్ రాణా 15 పరుగులు, కరుణ్ నాయర్ 13 పరుగులు చేయగా, కెప్టెన్ అక్షర్ పటేల్ 2 పరుగులకే ఔటయ్యాడు.టాప్ ఆర్డర్ విఫలమవడంతో ఢిల్లీ ఇన్నింగ్స్ నెమ్మదిగా సాగింది. 11 ఓవర్లు ముగిసే సమయానికి స్కోరు 69/5 వద్ద నిలిచింది. ఆ తర్వాత ట్రిస్టన్ స్టబ్స్, సమీర్ రిజ్వీ కలిసి ఆరో వికెట్‌కు 65 పరుగుల భాగస్వామ్యం నెలకొల్పి జట్టును గౌరవప్రదమైన స్కోరుకు తీసుకెళ్లారు. స్టబ్స్ 38 పరుగులు చేయగా, అశుతోష్ శర్మ 14 పరుగులు చేశాడు. సమీర్ రిజ్వీ 40 పరుగులతో అజేయంగా నిలిచాడు.చెన్నై బౌలింగ్‌లో నూర్ అహ్మద్ రెండు వికెట్లు తీసుకోగా, అఖిల్ హుస్సేన్, ముకేష్ చౌదరి, గుర్జప్‌నీత్ సింగ్, జేమీ ఓవర్టన్ ఒక్కో వికెట్ సాధించారు.156 పరుగుల లక్ష్యాన్ని ఛేదించేందుకు బరిలోకి దిగిన చెన్నైకి కెప్టెన్ Ruturaj Gaikwad త్వరగానే వికెట్ కోల్పోయి షాక్ ఇచ్చారు. ఆయన 6 పరుగులకే పెవిలియన్ చేరాడు. ఉర్విల్ పటేల్ కూడా 17 పరుగులకే అవుట్ కావడంతో చెన్నై 45 పరుగులకే 2 వికెట్లు కోల్పోయి ఒత్తిడిలో పడింది.అయితే ఆ తర్వాత సంజూ శాంసన్, కార్తీక్ శర్మ అద్భుత భాగస్వామ్యంతో మ్యాచ్‌ను పూర్తిగా మలుపు తిప్పారు. ఇద్దరూ కలిసి మూడో వికెట్‌కు అజేయంగా 114 పరుగులు జోడించారు. సంజూ శాంసన్ 52 బంతుల్లో 87 పరుగులు (7 ఫోర్లు, 6 సిక్సర్లు) చేసి అద్భుత ఇన్నింగ్స్ ఆడగా, కార్తీక్ శర్మ 41 పరుగులతో సహకరించారు.ఈ విజయంతో చెన్నై సూపర్ కింగ్స్ ప్లేఆఫ్స్ రేసులో మరింత బలంగా నిలిచింది.