అక్కినేని నాగేశ్వరరావు 99వ జయంతి నేడు
cinema | Suryaa Desk | Published : Tue, Sep 20, 2022, 11:22 AM
తెలుగు సినిమాలో కృష్ణుడన్నా, రాముడన్నా ఎన్టీఆరే. అలానే తెలుగు సినిమాకు బాలరాజు, భగ్న ప్రేమికుడు, కాళిదాసు, కబీర్, అర్జునుడు, అభిమన్యుడు... అన్నీ కూడా అక్కినేని నాగేశ్వరరావు గారే.
పద్మశ్రీ, పద్మ భూషణ్, పద్మవిభూషణ్, దాదా సాహెబ్ ఫాల్కే అవార్డు, ఎన్టీఆర్ నేషనల్ అవార్డు, రఘుపతి వెంకయ్య అవార్డుల గ్రహీత డాక్టర్ అక్కినేని నాగేశ్వరరావు గారి 99వ జయంతి నేడు. 1924, సెప్టెంబర్ 20వ తేదీన కృష్ణా జిల్లాలోని రామాపురంలో వెంకటరత్నం, పున్నమ్మ దంపతులకు నాగేశ్వరరావు గారు జన్మించారు. 1941 నుండి మొదలైన నాగేశ్వరరావు గారి సినీ ప్రయాణం 78 ఏళ్లపాటు నిర్విరామంగా కొనసాగి, 2014లో ముగిసింది.
తెలుగు, తమిళం, హిందీ భాషలలో 255 పై చిలుకు చిత్రాలలో నటించిన నాగేశ్వరరావు గారు 7 నంది అవార్డులు, ఐదు ఫిలింఫేర్ అవార్డులు గెలుచుకున్నారు. ఈ రోజు నాగేశ్వరరావు గారి జయంతి సందర్భాన్ని పురస్కరించుకుని నాగార్జున, నాగచైతన్య, సుశాంత్ తదితర అక్కినేని కుటుంబీకులు, మెగాస్టార్ చిరంజీవి, తదితర సినీ ప్రముఖులు సోషల్ మీడియా ద్వారా ఆయనను గుర్తు చేసుకుంటున్నారు.
|
|