ట్రైలర్ : ఓవరాల్ గా క్యారెక్టర్లో మావాడు "స్వాతిముత్యం" అంతే ..!!
cinema | Suryaa Desk | Published : Mon, Sep 26, 2022, 11:38 AM
ప్రముఖ టాలీవుడ్ నిర్మాత బెల్లంకొండ సురేష్ రెండవ తనయుడు గణేష్ "స్వాతిముత్యం" సినిమాతో సినీరంగ ప్రవేశం చేస్తున్న విషయం తెలిసిందే. లక్ష్మణ్ కే కృష్ణ డైరెక్ట్ చేస్తున్న ఈ రొమాంటిక్ ఫ్యామిలీ ఎంటర్టైనర్లో హీరోయిన్గా వర్ష బొల్లమ్మ నటిస్తుంది.
లేటెస్ట్ గా ఈ మూవీ ట్రైలర్ విడుదలైంది. ఒక అందమైన ప్రేమకథ, ఆహ్లాదకరంగా సాగుతుందనుకునేలోపే మధ్యలో వచ్చే చిన్న సమస్య, వాస్తవానికి చిన్నది కాదు పెద్ద సమస్యే, ఇదంతా కూడా హీరో హీరోయిన్ల వివాహ నేపథ్యంలో రావడం... ఇలా ట్రైలర్ ఆద్యంతం ఎంతో అందంగా సాగింది. ఇక, వెండితెరపై మ్యాజిక్ ను క్రియేట్ చెయ్యగలిగితే సినిమా హిట్టయ్యినట్టే.
సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ సంయుక్త బ్యానర్లపై సూర్యదేవర నాగవంశీ నిర్మిస్తున్న ఈ సినిమాకు మహతి స్వరసాగర్ సంగీతం అందిస్తున్నారు. పోతే, దసరా కానుకగా అక్టోబర్ ఐదవ తేదీన ఈ చిత్రం థియేటర్లలో విడుదల కాబోతుంది.
|
|