'దసరా' నుండి కీర్తి సురేష్ ఫస్ట్ లుక్ పోస్టర్ అవుట్
cinema | Suryaa Desk | Published : Mon, Oct 17, 2022, 07:21 PM
శ్రీకాంత్ ఓదెల దర్శకత్వంలో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఈరోజు నేషనల్ అవార్డు విన్నర్ కీర్తి సురేష్ పుట్టినరోజు సందర్భంగా మూవీ మేకర్స్ ఈ చిత్రం నుండి నటి ఫస్ట్ లుక్ పోస్టర్ ను విడుదల చేశారు. ఈ సినిమాలో కీర్తి సురేష్ వెన్నెల పాత్రలో నటిస్తుంది. ఫస్ట్ లుక్ పోస్టర్‌లో కీర్తి సురేష్ డస్కీ పల్లెటూరి అమ్మాయిగా మెరిసింది.
యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. ఈ సినిమా 30 మార్చి 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు
|
|