మమ్మల్ని వదిలేసి ఎలా వెళ్తారు..
cinema | Suryaa Desk | Published : Sat, Dec 22, 2018, 10:34 AM
సమానత్వం అనే మాట చెప్పేందుకేనా, చేతల్లో ఉండదా అని ప్రశ్నిస్తోంది బాలీవుడ్ తార దియా మిర్జా. ఈ నాయిక కోపానికి కారణం ఇటీవల ప్రధానిని బాలీవుడ్ పెద్దలంతా కలవడం. ఈ సమావేశంలో ఒక్క నటీమణికి ప్రాతినిధ్యం దక్కలేదు. దీనిపై దియా మండిపడింది. ఆమె మాట్లాడుతూ..ఇది అద్భుతంగా ఉంది. పరిశ్రమ నుంచి ఒక్క మహిళ లేకుండా ఎలా సమావేశానికి వెళ్తారు. మమ్మల్నెవరినీ పిలవకపోవడానికి ఏదైనా కారణం చెప్పగలరా..? మమ్మల్ని వదిలి వెళ్లడం ద్వారా మహిళలకు చిత్ర పరిశ్రమలో ఉన్న గౌరవం ఎలాంటిదో చూపించారు. పరిశ్రమ మొత్తానికీ పురుషులు మాత్రమే ప్రతినిధులా..? ఇలాగైతే మా సమస్యలు ప్రభుత్వాలకు ఎలా తెలుస్తాయి.
ఇది హీరోలకు హీరోయిన్లకు మధ్య పోటీ కాదు. సమావేశాల్లో మాకు భాగస్వామ్యం కల్పించకుంటే మేం పరిశ్రమలో సమానత్వం ఎలా సాధించినట్లు. పరిశ్రమకు గురించి జరిగే ప్రతి చర్చలో మా ప్రాతినిధ్యం ఉండాల్సిందే. అని చెప్పింది. గత మంగళవారం చిత్ర పరిశ్రమకు సంబంధించిన జీఎస్టీ వంటి సమస్యలపై ప్రధాని సమావేశం నిర్వహించారు. ఈ సమావేశంలో అక్షయ్ కుమార్, కరణ్ జోహార్, సిద్ధార్థ్ రాయ్ కపూర్, టీ సిరీస్ భూషన్ కుమార్ తదితరులు పాల్గొన్నారు.
|
|