అమాయకత్వపు అమ్మాయిగా తమన్నా
cinema | Suryaa Desk | Published : Sat, Dec 22, 2018, 02:40 PM
బాలీవుడ్ లో కంగనా రనౌత్ నటించిన క్వీన్ చిత్రం బ్లాక్ బస్టర్ హిట్ అయ్యింది. దాన్ని తెలుగు లో తమన్నా మెయిన్ లీడ్ పోషించింది. క్వీన్ చిత్రంలో కంగనా పాత్రకు జాతీయ స్థాయిలో అవార్డు దక్కింది. పలు అవార్డులు దక్కించుకున్న కంగనా రనౌత్ పాత్రను ఇక్కడ ఆ స్థాయిలో ఎవరు చేస్తారో అనుకున్నారు.
తెలుగులో తమన్నా ఆ స్థాయిలో నటించగలదా అంటూ అంతా అనుకున్నారు. అనుకున్నట్లుగానే టీజర్ లో తమన్నా మెప్పించలేక పోయింది. పల్లెటూరు నుండి పారిస్ వెళ్లే ఒక అమాయకపు అమ్మాయి అక్కడ ఎదుర్కొనే పరిస్థితులను ఈ చిత్రంలో చూపించనున్నారు. సౌత్ లో ఒకే సారి నాలుగు భాషల్లో రీమేక్ గా తెరకెక్కుతున్న విషయం తెల్సిందే. తెలుగులో ‘దటీజ్ మహాలక్ష్మి’ టైటిల్ తో రూపొందింది.
తమన్నా పుట్టిన రోజు సందర్బంగా విడుదలైన ఈ టీజర్ పెద్దగా ఆసక్తి కలిగించేలా లేదు. క్వీన్ రీమేక్ అనగానే అంచనాలు భారీగా ఉన్నాయి. అయితే అంచనాలకు తగ్గట్లుగా ఈ చిత్రం ఉండదేమో అంటూ టీజర్ ను చూసిన తర్వాత ఎక్కువ శాతం ప్రేక్షకులు నిరాశ వ్యక్తం చేస్తున్నారు. తమన్నా అమాయకత్వపు అమ్మాయిగా అంతగా ఆకట్టుకోలేక పోయింది. ఆమె గెటప్ కూడా ఉత్తరాది లుక్లా ఉంది. ఆమె వాయిస్ మరియు ఇతరత్ర కూడా సహజత్వంకు దూరంగా ఉన్నాయనే టాక్ వినిపిస్తుంది. టీజర్ అయితే జనాలని మెప్పించలేక పోయింది. మరి సినిమా అయినా జనాలని మేపిస్తాదేమో చూడాలి.
|
|