అవును... ప్రేమలో పడ్డాను... తప్పేంటన్న సాయిపల్లవి
cinema | Suryaa Desk | Published : Mon, Dec 24, 2018, 02:33 AM
న్యాచురల్ అందంతో ప్రేక్షకులను ఇట్టే కట్టిపడేసే అందం సాయిపల్లవి సొంతం. వరుస హిట్లతో ఆమె కెరీర్ సాఫీగా సాగుతోంది. కెరీర్ ఆరంభం నుంచి ప్రేమ లవ్ కథలనే ఎందుకుంటున్న సాయిపల్లవి నిజ జీవితంలో కూడా ప్రేమలో పడ్డానని చెబుతోంది.
ఇటీవల అమ్మడు నటించిన పడి పడి లేచే మనసు సినిమా ప్రమోషన్ లో భాగంగా మీడియాకు ఇచ్చిన ఓ ఇంటర్వ్యూ లో ప్రేమ, సహజీవనం గురించి తన అభిప్రాయాలను వెల్లడించింది. అబ్బాయిలు చూస్తున్నారంటే నాకు సంతోషంగా అనిపించేది. కాలేజ్ డేస్లో ప్రేమలో పడే టైమ్ అయితే అస్సలు లేదు. కానీ పుస్తకాలతో ప్రేమలో పడిపోయా. ఇప్పుడు మాత్రం నా ప్రేమ సినిమాలతోనే. అవును.. సినిమాలతో ప్రేమలో ఉన్నా తప్పేంటని మీడియా మిత్రుల్ని గట్టిగానే నిలేసింది.
తన సహజ నటనతో ప్రేక్షకులను అలరించిన సాయి పల్లవి పడి పడి లేచే మనసు అంటూ మరోసారి తన అద్భుత నటనతో ప్రేక్షకులను పలకరించి కట్టిపడేసింది. అయితే పెళ్లి మీద అభిప్రాయం అడిగితే కాసిత ముసిముసి నవ్వులు నవ్వుతునే పెళ్లి చేసుకుంటా.. కానీ పెళ్ళికి ముందే సహజీవనం మాత్రం ఖచ్చితంగా చేయనని తేల్చి చెప్పింది సాయిపల్లవి. మరి ఇంతలా నొక్కి వక్కాణించిందంటే అమ్మడు నిజంగానే సినిమాలతో మాత్రమే ప్రేమాయణం నడుపుతోందన్నది సినీ విశ్లేషకుల మాట.
|
|