నాని 'దసరా' గురించిన లేటెస్ట్ అప్‌డేట్
cinema | Suryaa Desk | Published : Wed, Oct 26, 2022, 07:10 PM
శ్రీకాంత్ ఓదెల దర్శకత్వంలో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఈ సినిమాలో నాని ఫుల్ మాస్ అవతార్‌లో కనిపించబోతుండగా, కీర్తి సురేష్ వెన్నెల పాత్రలో నటిస్తుంది. ప్రస్తుతం ఈ సినిమా షూటింగ్ హైదరాబాద్‌లోని బాచుపల్లి ప్రాంతంలో జరుగుతున్నట్లు సమాచారం. ఈ షెడ్యూల్ లో ప్రత్యేకంగా వేసిన సెట్‌లో కొన్ని కీలక సన్నివేశాలను మూవీ మేకర్స్ షూట్ చేస్తున్నట్లు వార్తలు వినిపిస్తున్నాయి.
యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. ఈ సినిమాని 30 మార్చి 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|