ఎన్టీఆర్ ముందు నాకు చూపించాల్సిందే... : నాదెండ్ల
cinema | Suryaa Desk | Published : Sat, Dec 29, 2018, 02:51 AM
ఎన్టీఆర్ బయోపిక్ సినిమాలో తన పాత్రేమిటో, చిత్రీకరించిన తీరు ఎలాంటిదో ఖచ్చితంగా తనకు చూపించి తీరాలని , తనను నెగిటివ్గా చూపిస్తే తీవ్ర పరిణామాలు ఉంటాయని మాజీ ముఖ్యమంత్రి నాదెండ్ల భాస్కర్ రావు చిత్ర నిర్మాత, హీరో బాలకృష్ణని హెచ్చరించారు.
శుక్రవారం నాడు ఆయన ఓ ఛానెల్తో మాట్లాడుతూ సినిమా అన్నతరువాత ఎవరినో ఒకరిని విలన్గా చూపడం సహజమని ,.సినిమాలో తన క్యారెక్టర్ విషయమై నెగిటివ్ గా చూపితే తీవ్ర పరిణామాలు ఉంటాయని ఇప్పటికే ఈ విషయమై తన పెద్ద కొడుకు రెండు దఫాలు నోటీసులు ఇచ్చినట్టు చెప్పారు. ఎన్టీఆర్ బయోపిక్ లో తన పాత్రను నెగిటివ్ గా ప్రయత్నం చేసినట్టు వస్తున్న కథనాల ఆధారంగానే ఎన్టీఆర్ బయోపిక్ నిలపి వేయాలని సినిమా యూనిట్ కు ఇప్పటికే రెండు దఫాలు నోటీసులు జారీచేసినట్టు చెప్పారు.
ఎన్టీఆర్ రాజకీయ జీవిత కోణాన్ని ఆవిష్కరించే క్రమంలో నాటి ఘటనలు వక్రీకరించి తనను నెగిటివ్ గా చూపించే ప్రయత్నం చేయడం సహజమని, అందుకే ఈ సినిమా నిర్మిస్తున్న నటుడు బాలకృష్ణ,దర్శకుడు క్రిష్ కు కూడ నోటీసులు జారీ చేశామని ఆయన తెలిపారు. ఇప్పటికే ఈవిషయంపై సెన్సార్ బోర్డుకు నోటీసులు ఇచ్చినట్టు ఆయన గుర్తు చేశారు.
|
|