అరకు గిరిజనులకు అండగా హీరోయిన్!

అరకు గిరిజనుల కోసం, గిరిజనులను క్రీడల్లో ప్రోత్సహించడం కోసం సినీ నటి కాజల్ అగర్వాల్ ఓ మంచి ప్రయత్నం చేయనున్నారు. ముంబై మారథాన్‌లో పాల్గొనబోతున్నట్టు ఆమె ప్రకటించారు.అరకు గిరిజనుల కోసం, గిరిజనులను క్రీడల్లో ప్రోత్సహించడం కోసం సినీ నటి కాజల్ అగర్వాల్ ఓ మంచి ప్రయత్నం చేయనున్నారు. ముంబై మారథాన్‌లో పాల్గొనబోతున్నట్టు ఆమె ప్రకటించారు.

ఇప్ప‌టికే అరకు వ్యాలీలో థింక్ పీస్ అనే స్వచ్ఛంద సంస్థతో కలిసి  గిరిజన పిల్లల కోసం సేవలందిస్తోంది కాజ‌ల్‌.   ఎంత బిజీగా ఉన్నా, ఈ చిన్నారుల‌ కోసం   కొంత సమయాన్ని కేటాయించుకుని మ‌రీ ప్ర‌త్యేకంగా అర‌కు వ‌స్తోంది.  ఇక్క‌డి  గిరిజ‌న పిల్ల‌ల కోసం ఓ పాఠశాలను కట్టించ‌డంతోనే స‌రిపుచ్చ‌కుండా  చదువుతో పాటు  శానిటేషన్, మధ్యాహ్న భోజనం అందిస్తున్నది ఈ సంస్థ‌. అంతే కాదు. అక్కడి పిల్లలకు చదువుతోపాటు ఇంగ్లీష్ నేర్పించేందుకు అడ‌పా ద‌డ‌పా కాజ‌ల్ కూడా క్లాసులు తీసుకుంటోందంటే అతిశ‌యోక్తి కాదు. 

అర‌కు వ్యాలీనే ఎందుకు ఎన్నుకున్నారంటే 

అరుకు వ్యాలీలో నేను గిరిజన స్కూల్‌ను స్థాపించడానికి, అక్కడి వాళ్లకు సహకారం అందించడానికి ప్రత్యేకమైన కారణం ఏమీ లేదు. నేను ఎక్కువ సార్లు షూటింగ్‌లకు కోసం అక్కడికి వెళ్లడం వలన నాకు ఆ ప్రాంతంతో అనుబంధం ఏర్పడింది. ఎందుకనో అక్కడి వాతావరణం, మనుషులు నాకు బాగా కనెక్ట్‌ అయ్యారు. వారిలోని అమాయకత్వం నన్ను ఆకట్టుకుంటుంది. అక్కడి వారి పరిస్థితులు చూసి నేను ఏదో ఒకటి చేయాలని అనుకొన్నాను. అందుకే అక్కడ స్కూల్ కట్టించాను. అని చెప్పుకొచ్చింది ఈ మ‌ధ్య ఓ ఛాన‌ల్ ఇంట‌ర్వూలో, ఈ మ‌ధ్య అరకు వ్యాలీకి వెళ్లడం కుదరడం లేదు.  అయినా  అప్పుడప్పుడూ అక్క‌డి వారితో, పిల్ల‌ల‌తో మాట్లాడుతాను.  కాజోల్ అక్క అంటూ పిల్లలు చేసే సందడి,  వాళ్లు పంపించే ఫొటోలు చూస్తే చెప్పలేనంత ఆనందంగా ఉంటుందని చెప్పింది. వారిలో డాన్స్‌ అంటే ఇష్టమున్నవారికి డ్యాన్స్‌ కూడా నేర్పిస్తున్నా. దాన్ని ఇంకా డెవలప్‌ చేయాలనుకుంటున్నానని చెప్పింది.

అరకు వ్యాలీలో నేనే చేస్తున్న సేవలు నాకు సంతృప్తిని ఇస్తున్నాయి. ఇవన్నీ నేను సోషల్ మీడియాలో పోస్ట్ చేసి పబ్లిసిటీ చేసుకోలేను. నేను చేస్తున్న సేవను గొప్పగా చెప్పుకోవడం, ప్రతిఫలం పొందడం నాకు అసలే ఇష్టం ఉండదు. అందుకే ఎవరికీ చెప్పకుండా దాచిపెట్టాను.

ప‌బ్లిసిటీకి దూరంగా కాజ‌ల్ అగ‌ర్వాల్ చేస్తున్న సేవ‌లు ప్ర‌శంస‌నీయ‌మే.