ఉదయ్ కిరణ్ డెత్ మిస్టరీ రివీల్ చేస్తా అంటున్న ప్రముఖ డైరెక్టర్
cinema | Suryaa Desk | Published : Wed, Nov 16, 2022, 01:54 PM
లవర్ బాయ్ ఇమేజ్ తో తెలుగు ప్రేక్షకుల హృదయాలలో హీరో ఉదయ్ కిరణ్ స్థానం ఎన్నటికీ చెరిగిపోలేనిది. చిత్రం సినిమాతో తెలుగు తెరకు పరిచయమైన ఉదయ్ ఆపై బ్యాక్ టు బ్యాక్ హ్యాట్రిక్ హిట్స్ ను సొంతం చేసుకుని అతి చిన్న వయసులోనే సూపర్ స్టార్ ఇమేజ్ ను సొంతం చేసుకున్నాడు.
ఐతే, స్వతహాగా ఉదయ్ చాలా సున్నిత మనస్కుడు కావడంతో సినీ కెరీర్ లో వచ్చిన ఒడిదుడుకులను తట్టుకోలేకపోయాడు. 2014 జనవరి 5న తన రూమ్ లో ఉరి వేసుకుని చనిపోయాడు. ఆ క్షణం టాలీవుడ్ చిత్రపరిశ్రమ మొత్తం షాక్ కు గురయ్యింది. ఉదయ్ సూసైడ్ వెనుక ఇండస్ట్రీ పెద్ద తలకాయల హస్తం ఉందని కొంతమంది వాదన.
తను దేనిగురించైతే బాధ పడుతున్నాడో ఆ విషయాన్ని డైరెక్టర్ తేజకు ఉదయ్ సవివరంగా చెప్పాడట. బ్యాక్ టు బ్యాక్ హిట్ చిత్రాలను తెరకెక్కించి ఉదయ్ స్టార్ హీరో ఇమేజ్ కు కారణమైన తేజ తాను చనిపోయేలోపు ఉదయ్ కిరణ్ డెత్ మిస్టరీని రివీల్ చేస్తానని అంటున్నారు. మరైతే, ఈ మిస్టరీ రివీల్ అనేది సినిమాగానా లేక ఎలా బయటకు వస్తుందనేది తెలియాలి.
|
|