మీ పేరు నిలబెడతా తాతగారు - సితార ఘట్టమనేని
cinema | Suryaa Desk | Published : Wed, Nov 16, 2022, 02:40 PM
సూపర్ స్టార్ మహేష్ బాబు గారాల పట్టి సితార నానమ్మ, తాతయ్యలకు బాగా చేరిక. వారంలో రెండు మూడు సార్లైనా తాతయ్య కృష్ణగారి తో కలిసి లంచ్ చేస్తుంటారు మహేష్ ఫ్యామిలీ. ఈ నేపథ్యంలో సితార నానమ్మ, తాతయ్యలతో ఎంతో బలమైన బంధాన్ని పెంచుకుంది. శ్రీమతి ఇందిరాదేవి గారు మరణించినప్పుడు సితార వెక్కి వెక్కి ఏడ్చిన వీడియో బాగా వైరల్ అయ్యింది. ఈ ఒక్క వీడియో చాలు తాతయ్య, నానమ్మలతో సితారకున్న అనుబంధం ఎలాంటిదో..!!
లేటెస్ట్ గా సూపర్ స్టార్ కృష్ణగారు మరణించడంతో తాతయ్య తో వీక్ డేస్ లో చేసే లంచ్ ను గుర్తుకు తెచ్చుకుని ఇన్స్టాలో ఎమోషనల్ పోస్ట్ చేసింది సితార. "వీక్ డేస్ లో నేను చేసే లంచ్ ఇదివరకటిలా ఉండదిక.. మీరు నాకు ఎన్నో విలువైన విషయాలను నేర్పించారు.. నన్ను ఎప్పుడూ నవ్విస్తూ ఉండేవారు.. ఇప్పుడవన్నీ మీ జ్ఞాపకాలుగా మారిపోయాయి..మీరు నా హీరో. మీ పేరు నిలబెట్టేలా ఏదో ఒకరోజు గొప్పదానిని అవుతా... ఐ విల్ మిస్ యూ తాతగారూ " అంటూ కృష్ణతో దిగిన ఫోటోను పోస్ట్ చేసింది.
|
|