ప్రకాష్ రాజ్ తో నటించాలంటే భయపడుతున్న నటీనటులు
cinema | Suryaa Desk | Published : Wed, Nov 16, 2022, 07:05 PM
విలక్షణ నటుడు, జాతీయ అవార్డు గ్రహీత ప్రకాష్ రాజ్ గురించి ప్రత్యేకంగా చెప్పుకోవాల్సిన అవసరం ఏముంది. ఆయన ఎంతటి విలక్షణమైన, విభిన్నమైన, ప్రతిభ గల నటుడో మనందరికీ తెలుసు. సినిమాలలో ప్రకాష్ రాజ్ సీన్స్ వచ్చినప్పుడు మిగిలిన నటీనటులు ఉన్నారన్న విషయం కూడా మర్చిపోయి కేవలం ఆయన్నే చూస్తూ ఉంటాం.
ఐతే, కొంతమంది నటీనటులు మాత్రం ప్రకాష్ రాజ్ తో నటించాలంటే ఒకింత భయపడుతున్నారట. ఈ విషయాన్ని స్వయంగా ప్రకాష్ రాజే వెల్లడించడం విశేషం. ప్రకాష్ రాజకీయ జీవితం కారణంగానే కొంతమంది నటీనటులు ఆయనతో పని చెయ్యడానికి భయపడుతున్నారట. సినిమాల్లో ఎంత యాక్టివ్ గా ఉంటారో ప్రకాష్ రాజ్ రాజకీయాల్లోనూ అంతే యాక్టివ్ గా, స్ట్రెయిట్ ఫార్వర్డ్ గా ఉంటారు. ఈ ముక్కుసూటితనం ఆయనను ఎన్నో కాంట్రవర్సీల్లో దింపుతోంది. ఈ కారణంగా ప్రకాష్ రాజ్ తో నటిస్తే, లేక ఆయనను తమ సినిమాలలో తీసుకుంటే తాము కూడా ఎక్కడ చిక్కుల్లో ఇరుక్కుంటామేమో అని కొందరు ఆయనతో నటించడానికి వెనుకాడతారట. ఐతే ఈ విషయం పట్ల ప్రకాష్ రాజ్ ఎలాంటి రిగ్రెట్ ఫీల్ అవ్వట్లేదని కూడా చెప్పారు.
|
|