యూట్యూబ్ గ్లోబల్ చార్ట్‌లలో 2వ స్థానంలో 'రంజితమే' సాంగ్
cinema | Suryaa Desk | Published : Mon, Nov 21, 2022, 07:13 PM
తమిళ స్టార్ హీరో తలపతి విజయ్ వంశీ పైడిపల్లి దర్శకత్వంలో సినిమా చేయనున్న సంగతి అందరికి తెలిసిందే. ఈ సినిమాకి 'వారసుడు' అనే టైటిల్ ని మూవీ మేకర్స్ లాక్ చేసారు. తాజాగా ఈ చిత్రం నుండి థమన్ ఎస్ కంపోస్ చేసిన మొదటి సింగిల్ రంజితమే పూర్తి పాటను మూవీ మేకర్స్ విడుదల చేసారు. ఈ పాట యూట్యూబ్‌లో కేవలం విడుదలైన 10 రోజుల్లోనే 50 మిలియన్ వ్యూస్ సాధించింది. ఇప్పుడు, ఆసక్తికరమైన వార్త ఏమిటంటే, రంజితమే యూట్యూబ్ గ్లోబల్ చార్ట్‌లలో రెండవ స్థానంలో ట్రెండింగ్‌లో ఉంది. ఈ విషయాన్ని థమన్ సోషల్ మీడియా ద్వారా అధికారకంగా ప్రకటించారు.
ఈ సినిమాలో విజయ్ సరసన కన్నడ బ్యూటీ రష్మిక జంటగా నటిస్తుంది. ప్రభు, ప్రకాష్ రాజ్, జయసుధ మరియు శరత్ కుమార్ ఈ చిత్రంలో కీలక పాత్రలు పోషిస్తున్నారు. ఈ సినిమాకి సెన్సషనల్ మ్యూజిక్ డైరెక్టర్ థమన్ ఎస్ సంగీతం అందిస్తున్నారు. దిల్ రాజు అండ్ శిరీష్ శ్రీ వెంకటేశ్వర క్రియేషన్స్‌పై ఈ సినిమాని నిర్మించనున్నారు.
|
|