SDT 15 టైటిల్ :అసలు నిజాన్ని చూపించే మరో నేత్రమే "విరూపాక్ష"
cinema | Suryaa Desk | Published : Wed, Dec 07, 2022, 11:40 AM
యంగ్ మెగాహీరో సాయిధరమ్ తేజ్ నటిస్తున్న 15వ సినిమా టైటిల్ గ్లిమ్స్ వీడియో కొంతసేపటి క్రితమే విడుదలైంది. "అజ్ఞానం భయానికి మూలం .. భయం మూఢనమ్మకానికి కారణం.. ఆ నమ్మకమే నిజమైనప్పుడు.. ఆ నిజం జ్ఞానానికి అంతు చిక్కనప్పుడు.. అసలు నిజాన్ని చూపించే మరో నేత్రమే విరూపాక్ష" అని యంగ్ టైగర్ జూనియర్ ఎన్టీఆర్ గారు ఇచ్చిన వాయిస్ ఓవర్ తో ఈ గ్లిమ్స్ వీడియో నెక్స్ట్ లెవెల్ అన్నట్టుగా ఉంది. తారక్ చెప్పిన ఈ డైలాగ్స్ ను బట్టి విరూపాక్ష చాలా సీరియస్ అండ్ ఇంటెన్స్ యాక్షన్ డ్రామాగా ఉంటుందని తెలుస్తుంది. ఈ గ్లిమ్స్ వీడియోలో ప్రధానంగా చెప్పుకోవాల్సిన మరొక విషయం BGM. అజనీష్ ఇచ్చిన BGM సినిమాకు ప్రధాన బలంగా మారనుంది.
టైటిల్ గ్లిమ్స్ వీడియోలోనే మేకర్స్ విరూపాక్ష మూవీ పాన్ ఇండియా భాషల్లో ఏప్రిల్ 21, 2023లో విడుదల అవుతుందని రిలీజ్ డేట్ ను కూడా ఎనౌన్స్ చేసారు.
కార్తీక్ దండు డైరెక్షన్లో సాయిధరమ్ తేజ్, సంయుక్తా మీనన్ జంటగా నటిస్తున్న ఈ సినిమాకు అజనీష్ లోక్ నాధ్ సంగీతం అందిస్తున్నారు. క్రేజీ డైరెక్టర్ సుకుమార్ గారు ఈ సినిమాకు స్క్రీన్ ప్లే అందించగా, శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్ లపై BVSN ప్రసాద్ ఈ సినిమాను నిర్మిస్తున్నారు.
|
|