పవన్ కళ్యాణ్ సినిమాపై హరీష్ శంకర్ ట్వీట్ వైరల్ ..!!
cinema | Suryaa Desk | Published : Thu, Dec 08, 2022, 04:40 PM
టాలీవుడ్ డాషింగ్ డైరెక్టర్ హరీష్ శంకర్ పవర్ స్టార్ పవన్ కళ్యాణ్ గారితో "భవదీయుడు భగత్ సింగ్" సినిమాను తెరకెక్కించేందుకు ఈగర్ గా వెయిట్ చేస్తున్నారన్న విషయం తెలిసిందే కదా. ప్రస్తుతం క్రిష్ జాగర్లమూడి డైరెక్షన్లో "హరిహర వీరమల్లు" షూటింగ్ తో బిజీగా గడుపుతున్న పవన్ ఈ సినిమా ముగిసిన వెంటనే, హరీష్ తో సినిమా స్టార్ట్ చేస్తాడని అంతా అనుకున్నారు కానీ, ఈ మధ్యన వీరిద్దరి ప్రాజెక్ట్ క్యాన్సిల్ అయ్యిందని ప్రచారం జరిగింది. ఆపై హరీష్ శంకర్ పవన్ తో చేసే సినిమా భవదీయుడు భగత్ సింగ్ కాదు.. పవన్ రాసిన ఒక స్టోరీని సినిమాగా తీస్తున్నారని..కూడా ప్రచారం జరిగింది...
తాజాగా ఈ వార్తలన్నిటికీ హరీష్ శంకర్ ఒకేఒక్క ట్వీట్ తో ఫుల్ స్టాప్ పెట్టేసారు. అతి త్వరలోనే ఎక్జయిటింగ్ న్యూస్ రాబోతుందని, తన ట్విట్టర్ ఖాతాను గమనిస్తూ ఉండమని ట్వీట్ చేస్తూ పవన్ కళ్యాణ్, మైత్రి మూవీ మేకర్స్, మ్యూజిక్ డైరెక్టర్ దేవిశ్రీప్రసాద్ లను ట్యాగ్ చేసారు. మరి, ఆ బిగ్ న్యూస్ ఏంటి అని పవర్ స్టార్ అభిమానులు ఎంతో కుతూహలంగా ఎదురుచూస్తున్నారు.
|
|