ఈరోజు తలైవర్ సూపర్ స్టార్ రజినీకాంత్ పుట్టినరోజు..!!
cinema | Suryaa Desk | Published : Mon, Dec 12, 2022, 09:00 AM
కోలీవుడ్ సూపర్ స్టార్, తలైవర్ రజినీకాంత్ ఈ రోజు అంటే డిసెంబర్ 12న 72 వ పుట్టినరోజును జరుపుకుంటున్నారు. దీంతో ప్రపంచవ్యాప్తంగా ఉన్న అభిమానుల నుండి ఆయనకు పుట్టినరోజు శుభాకాంక్షలు వెల్లువెత్తుతున్నాయి.
1950 డిసెంబర్ 12న బెంగుళూరులో జన్మించిన శివాజీ రావ్ గైక్వాడ్ ...సినిమాల్లోకి వచ్చిన తదుపరి రజినీకాంత్ గా పేరును మార్చుకోవడం జరిగింది. దాదాపు ఐదు దశాబ్దాల సుదీర్ఘ సినీ ప్రయాణంలో తమిళం, మలయాళం, కన్నడ, హిందీ, తెలుగు, బెంగాలీ భాషల్లో కలిపి మొత్తం 160 సినిమాలలో రజినీకాంత్ నటించారు. భారతదేశం గర్వించదగ్గ మరియు అత్యంత విజయవంతమైన నటుల్లో రజినీకాంత్ ఒకరు.
1975లో కే బాలచందర్ డైరెక్షన్లో వచ్చిన 'అపూర్వ రాగంగాళ్' తమిళ సినిమా తో రజిని వెండితెరకు పరిచయమయ్యారు. తెలుగులో "అంతులేని కథ" ఆయన మొదటి చిత్రం. భారతదేశ ప్రభుత్వం ఆయనను పద్మ భూషణ్, పద్మ విభూషణ్ అవార్డులతో సత్కరించింది. భారతదేశ సినీ పరిశ్రమకు చేసిన సేవలకు గానూ రజిని దాదా సాహెబ్ ఫాల్కే అవార్డుతో సత్కరించబడ్డారు.
|
|