చివరి దశకు చేరుకున్న నాని 'దసరా' షూటింగ్
cinema | Suryaa Desk | Published : Tue, Dec 20, 2022, 07:48 PM
శ్రీకాంత్ ఓదెల దర్శకత్వం లో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఈ సినిమాలో నాని ఫుల్ మాస్ అవతార్లో కనిపించబోతుండగా, కీర్తి సురేష్ వెన్నెల పాత్రలో నటిస్తుంది. ఈ సినిమా షూటింగ్ చివరి దశకు చేరుకుంది.
ఈ సినిమా కొత్త షెడ్యూల్ గోదావరిఖని బొగ్గుగని సెట్లో ఈరోజు ప్రారంభమైంది. ఈ పదిహేను రోజుల షెడ్యూల్లో కీలకమైన క్లైమాక్స్ సీక్వెన్స్ చిత్రీకరించనున్నారు. ఈ విషయం గురించి నాని ఇన్స్టాగ్రామ్లో లొకేషన్ చిత్రాన్ని పోస్ట్ చేసి, చివరి షెడ్యూల్లో మొదటి రోజు అంటూ పోస్ట్ చేసారు. ఇది ఈ సినిమాలో అత్యంత కీలకమైన సన్నివేశమని, సినిమాకే హైలైట్గా నిలుస్తుందని వార్తలు వినిపిస్తున్నాయి.
యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. ఈ సినిమా 30 మార్చి 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|