సీనియర్ ఆర్టిస్ట్ చలపతి రావు కన్నుమూత..!!
cinema | Suryaa Desk | Published : Sun, Dec 25, 2022, 08:06 AM
టాలీవుడ్ సినీపరిశ్రమ సీనియర్ ఆర్టిస్టులు ఒక్కొక్కరిగా ఇండస్ట్రీ కి దూరమవుతూ.. తెలుగు ప్రేక్షకులను శోకసంద్రంలోకి నెట్టేస్తున్నారు. రెబల్ స్టార్ కృష్ణంరాజు గారు, సూపర్ స్టార్ కృష్ణ గారు, నవరస నటనా సార్వభౌములు కైకాల సత్యనారాయణ గారు.. గత రెండు నెలల కాలంలో మరణించిన విషయం తెలిసిందే.
తాజాగా టాలీవుడ్ సీనియర్ నటులు చలపతి రావు గారు హార్ట్ అటాక్ తో నిన్న రాత్రి హఠాన్మరణం చెందారు. 1200 కి పైగా సినిమాలలో పలురకాల విభిన్న పాత్రలను పోషించి, తెలుగు ప్రేక్షకుల హృదయాలలో చెరగని ముద్ర వేశారు. చలపతి రావు గారి కొడుకు డైరెక్టర్ కం యాక్టర్ రవిబాబు గారు అన్న విషయం తెలిసిందే.
79 ఏళ్ళ వయసులో చలపతి రావు గారు మరణించడం జరిగింది. ఆయన పార్థివ దేహాన్ని MLA కాలనీలోని రవిబాబు గారి ఇంట్లో ఉంచడం జరిగింది. చలపతి రావు గారి పార్ధివదేహాన్ని ఈ రోజు మధ్యాహ్నం 3 గంటలకు మహాప్రస్థానంకు తరలిస్తారు. అమెరికాలో ఉంటున్న కుమార్తె రాగానే అంత్యక్రియలు జరుగుతాయి.
|
|