క్రేజీ బజ్ : లెక్కల మాస్టారితో ప్రభాస్ న్యూ మూవీ..!!
cinema | Suryaa Desk | Published : Tue, Dec 27, 2022, 08:40 AM
సినీ పరిశ్రమలో ఇంట్రెస్టింగ్ వార్తలకు ఎప్పుడూ కొదువ ఉండదు. ఆ వార్తలు నిజమో కాదో తెలియకపోయినా ఈ మధ్యలో అవి ఆడియన్స్ లో జోరుగా ప్రచారమయ్యి, అభిమానులకు సంతోషాన్నిస్తుంటాయి.
తాజాగా అలాంటి సంతోషకర వార్త ఒకటి ప్రచారంలోకొచ్చింది. అదేంటంటే, పాన్ ఇండియా స్టార్ ప్రభాస్ టాలీవుడ్ లెక్కల మాస్టారు సుకుమార్ గారితో ఒక క్రేజీ సినిమాను చెయ్యబోతున్నట్టు టాక్ నడుస్తుంది. నిజానిజాల సంగతి పక్కన పెడితే, ఈ వార్త విన్న డార్లింగ్ ఫ్యాన్స్ ఆనందంతో ఎగిరి గంతేస్తున్నారు. ఎందుకంటే, నాన్నకు ప్రేమతో, రంగస్థలం, పుష్ప సినిమాలతో హ్యాట్రిక్ హిట్ కొట్టిన సుకుమార్ పుష్ప తో ఏకంగా పాన్ ఇండియా సూపర్ స్టార్ డైరెక్టర్ గా మారిపోయారు. ఆయన తెరకెక్కించబోతున్న పుష్ప 2 పై పాన్ ఇండియా ప్రేక్షకుల్లో చాలా మంచి అంచనాలున్నాయన్న విషయం తెలిసిందే. ఇంతటి స్టార్ స్టేటస్ ఉన్న డైరెక్టర్ తో తమ డార్లింగ్ సినిమా చెయ్యబోతున్నాడని తెలుసుకున్న ఫ్యాన్స్ ఆనందానికి అవధులు లేకుండా పోయింది.
ఇందుకు మరొక కారణం కూడా ఉంది. బాహుబలి ఘనవిజయం తదుపరి ప్రభాస్ నటించిన సాహో, రాధేశ్యామ్ సినిమాలకు అప్ కమింగ్ దర్శకులు పనిచేసారు. సలార్, ప్రాజెక్ట్ కే, ఆదిపురుష్ ...కూడా అంతకుముందు 1 లేదా 2 సినిమాలను డైరెక్ట్ చేసిన దర్శకులే తెరకెక్కిస్తున్నారు. ఈ నేపథ్యంలో ప్రభాస్ సుకుమార్ వంటి అనుభవజ్ఞుడితో పని చెయ్యబోతున్నాడని తెలిసి డార్లింగ్ ఫ్యాన్స్ ఫుల్ ఖుషి అవుతున్నారు.
|
|