వెండి తెర పై శ్రీదేవి బయోపిక్
cinema | Suryaa Desk | Published : Wed, Jan 09, 2019, 09:53 PM
'అతిలోకసుందరి' శ్రీదేవి జీవిత చరిత్ర బయోపిక్గా వెండితెరపై రానుంది. ఈ బయోపిక్ను తెరకెక్కించే పనిలో పడ్డారు ఆమె భర్త బోనీ కపూర్. 1967లో బాలనటిగా వెండితెర అరంగేట్రం చేసిన శ్రీదేవి.. ఆ తర్వాత భారతీయ చలన చిత్ర పరిశ్రమలో అగ్ర కథానాయికగా పేరు తెచ్చుకున్న విషయం తెల్సిందే. ముఖ్యంగా, తెలుగు సినీ రంగాన్ని నాలుగు దశాబ్దాల పాటు శాసించారు.
ఆమెకు 50 యేళ్లు దాటినప్పటికీ.. అందంలో కుర్ర హీరోయిన్లకు ఏమాత్రం తీసిపోకుండా నటించారు. ఆమెని అభిమానించే అభిమానులు ఇప్పటికి చాలామందే ఉన్నారు. కేవలం మనదేశంలోనేకాదు విదేశాలలో కూడా ఆమెకు అభిమానులు ఉన్నారు. ఆమె మరణం శ్రీదేవి కుటుంబసభ్యులనే కాదు యావత్ ప్రపంచాన్ని షాక్కి గురిచేసింది. శ్రీదేవి భౌతికంగా మన దగ్గర లేకపోయిన సినిమాలతో ఇప్పటికి అభిమానులని అలరిస్తూనే ఉంది. చివరిగా 'జీరో' అనే సినిమాలో నటించింది.
ఈ నేపథ్యంలో శ్రీదేవి జీవిత చరిత్ర ఆధారంగా ఓ చిత్రాన్ని నిర్మించాలని అనేక మంది దర్శకులు తమ వంతు ప్రయత్నాలు చేసినా , అలాంటి అవకాశాన్ని ఆమె భర్త ఏ ఒక్కరికీ ఇవ్వలేదు. ఆయనే శ్రీదేవి బయోపిక్ను నిర్మించాలని నిర్ణయించారు. ఇంకా ఈ ప్రాజెక్టుకు సంబంధించి అధికారిక ప్రకటన చేయనున్నాడని సమాచారం.మరి శ్రీదేవి పాత్ర కోసం ఏ నటిని ఎంపిక చేసుకుంటారో వేచిచూడాల్సిందే.
|
|