రేపు నార్త్ లో విడుదలకి సిద్ధంగా ఉన్న 'హిట్ 2' హిందీ వెర్షన్
cinema | Suryaa Desk | Published : Thu, Dec 29, 2022, 07:54 PM
శైలేష్ కొలను దర్శకత్వం వహించిన 'హిట్ 2' డిసెంబర్ 2, 2022న ప్రపంచవ్యాప్తంగా విడుదలయ్యింది. అడివి శేష్ మరియు మీనాక్షి చౌదరి జంటగా నటించిన ఈ సినిమా తొలి షోల నుండి పాజిటివ్ రిపోర్ట్స్ అందుకుంది. ఈ సినిమా సూపర్ హిట్ కావడంతో నార్త్ ప్రేక్షకులు హిందీ వెర్షన్ కోసం ఎంతో ఆసక్తిగా ఎదురుచూస్తున్నారు.
ఈ సినిమా ప్రమోషన్స్లో శేష్ మాట్లాడుతూ.. హిందీలో కూడా ఈ చిత్రాన్ని విడుదల చేసేందుకు ప్లాన్ చేస్తున్నామని తెలిపారు. తాజగా ఇప్పుడు, ఈ సూపర్ హిట్ చిత్రం డిసెంబర్ 30, 2022న నార్త్ లో ప్రేక్షకులను అలరించడానికి సిద్ధంగా ఉంది. హిందీలో గ్రాండ్ మాస్టర్ మరియు బి4యు మోషన్ పిక్చర్స్ ఈ చిత్రాన్ని విడుదల చేస్తున్నారు.
రావు రమేష్, భాను చందర్, పోసాని కృష్ణ మురళి, తనికెళ్ల భరణి శ్రీనాథ్ మాగంటి, కోమలి ప్రసాద్ తదితరులు ఈ సినిమాలో కీలక పాత్రలో కనిపించనున్నారు. ఈ చిత్రాన్ని ప్రశాంతి తిపిర్నేని నిర్మించారు. జాన్ స్టీవర్ట్ ఎడూరి 'హిట్ : ది సెకండ్ కేసు' కి సంగీతం అందించారు.
|
|