'పఠాన్' జోరుని ఏమాత్రం ఆపలేకపోయిన కాంట్రవర్సీలు..!!
cinema | Suryaa Desk | Published : Sat, Dec 31, 2022, 05:03 PM
బాలీవుడ్ బాద్షా షారుఖ్ ఖాన్, దీపికా పదుకొణె జంటగా నటిస్తున్న సినిమా "పఠాన్". క్రియేటివ్ డైరెక్టర్ సిద్దార్ధ్ ఆనంద్ డైరెక్షన్లో సూపర్ స్టైలిష్ యాక్షన్ ఎంటర్టైనర్ గా రూపొందుతున్న ఈ సినిమా హిందీ, తెలుగు, తమిళ భాషలలో వచ్చే ఏడాది జనవరి 25న థియేటర్లలో విడుదల కాబోతుంది. ఈ సినిమాలో జాన్ అబ్రహం కీ రోల్ లో నటిస్తున్నారు. యష్ రాజ్ ఫిలిమ్స్ సంస్థ నిర్మిస్తుంది.
తాజా సమాచారం ప్రకారం, ఇండియన్ ఆడియన్స్ ఎంతో ఈగర్ గా వెయిట్ చేస్తున్న చిత్రాలలో పఠాన్ తొలిస్థానంలో ఉన్నట్టు తెలుస్తుంది. బుక్ మై షో ఆన్లైన్ టికెట్ బుకింగ్ యాప్ లో నెంబర్ వన్ పొజిషన్లో ఉన్న పఠాన్, IMDB రిపోర్ట్స్ ప్రకారం మోస్ట్ ఎవైటెడ్ ఫిలిం ఆఫ్ 2023 అని తెలుస్తుంది. దీంతో ఫైనల్గా, తెలిసిందేమిటంటే, ఎంతటి క్లిష్టమైన కాంట్రవర్సీలు కూడా పఠాన్ జోరును ఆపలేకపోయాయి. పఠాన్ ఫస్ట్ సింగిల్ బేషరం సాంగ్ లో దీపికా ధరించిన కాషాయరంగు స్విమ్ సూట్ సృష్టించిన కాంట్రవర్సీ గురించి ప్రత్యేకంగా చెప్పనవసరం లేదు. కొంతమందైతే బాయ్ కాట్ పఠాన్ అని, మరికొందరేమో పఠాన్ సినిమాలో మార్పులు చెయ్యాలని ...పలురకాలుగా పఠాన్ సినిమాపై తమ అయిష్టతను వ్యక్తం చేస్తున్నారు.
|
|