అతిత్వరలోనే రాబోతున్న 'శశివదనే' ఫస్ట్ సింగిల్
cinema | Suryaa Desk | Published : Sat, Dec 31, 2022, 07:04 PM
'లండన్ బాబులు' చిత్రంతో 2017లో సినీరంగ ప్రవేశం చేసిన యంగ్ హీరో రక్షిత్ అట్లూరి. తొలి సినిమాతోనే బెస్ట్ డిబట్ హీరోగా సంతోషం అవార్డును అందుకున్న రక్షిత్ ఆపై పలాస 1978 అనే యాక్షన్ థ్రిల్లర్ లో నటించి మంచి గుర్తింపు సంపాదించారు.
రక్షిత్ నటిస్తున్న కొత్త చిత్రం "శశివదనే". గోదావరి నేపథ్యంలో లవ్ అండ్ యాక్షన్ డ్రామాగా తెరకెక్కుతున్న ఈ చిత్రానికి సాయి మోహన్ ఉబ్బన దర్శకత్వం వహిస్తున్నారు. గౌరీ నాయుడు సమర్పణలో, ఎస్వీఎస్ కన్స్ట్రక్షన్స్ ప్రై.లి. భాగస్వామ్యంతో, ఏజీ ఫిల్మ్ కంపెనీ పతాకంపై అహితేజ బెల్లంకొండ నిర్మిస్తున్నారు. శరవణ వాసుదేవన్ ఈ సినిమాకు సంగీతం అందించారు. ఈ సినిమాలో రక్షిత్ కు జోడిగా కోమలీ ప్రసాద్ నటిస్తుండగా, సంగీత దర్శకుడు రఘు కుంచె, శ్రీమాన్, దీపక్, ప్రిన్స్, 'రంగస్థలం' మహేష్ తదితరులు కీలకపాత్రలు పోషించారు.
తాజాగా శశివదనే చిత్రబృందం ఆడియన్స్ కు న్యూ ఇయర్ శుభాకాంక్షలను తెలుపుతూ స్పెషల్ పోస్టర్ ను విడుదల చేసింది. ఈ సందర్భంగా త్వరలోనే ఫస్ట్ సింగిల్ రాబోతుందని ప్రకటించింది.
|
|