శాకుంతలం ట్రైలర్ : గుణశేఖర్ మార్కు భారీ విజువల్ ఫీస్ట్ ..!!
cinema | Suryaa Desk | Published : Mon, Jan 09, 2023, 12:30 PM
కొంతసేపటి క్రితమే శాకుంతలం ట్రైలర్ విడుదలైంది. క్రియేటివ్ డైరెక్టర్ గుణశేఖర్ డైరెక్షన్లో క్రేజీ హీరోయిన్ సమంత, మలయాళ నటుడు దేవ్ మోహన్ లీడ్ రోల్స్ లో నటించిన శాకుంతలం ట్రైలర్ పై ప్రేక్షకులలో భారీ అంచనాలు ఉండగా... ఇప్పుడు విడుదలైన ట్రైలర్ ప్రేక్షకుల అంచనాలను ఏమేరకు అందుకుందో చూద్దాం!!
కాళిదాసుడు రచించిన 'అభిజ్ఞాన శాకుంతలం' ఆధారంగా ఈ సినిమా రూపొందింది. శకుంతల పుట్టుకతో మొదలైన ట్రైలర్, ఆపై ఆమె కశ్యప మహర్షి ఆశ్రమంలో పెరడగం, యుక్తవయస్సులో దుశ్యంత మహారాజు ప్రేమలో పడడం, గర్భవతి ఐన శకుంతల తనను చేకొనమని అడగడానికి దుశ్యంతుడి రాజ్యానికి వెళ్లగా ఆమెకు ఎదురైన అవమానం... ఇలాంటి ఎన్నో కీలకఘట్టాలను తన విజువల్ మాయాజాలంతో గుణశేఖర్ స్క్రీన్ పై ప్రెజెంట్ చేసిన విధానం అమోఘం. ఈ ఒక్క ట్రైలర్ సినిమాపై భారీ అంచనాలను ఏర్పరిచింది.
మణిశర్మ సంగీతం అందిస్తున్న ఈ సినిమాలో కృష్ణంరాజు, మోహన్ బాబు, గౌతమి, మధుబాల, అనన్యా నాగళ్ళ తదితరులు కీలకపాత్రలు పోషించగా, ఐకాన్ స్టార్ అల్లు అర్జున్ గారాలపట్టి అర్హ ఈ సినిమాతో వెండితెరకు పరిచయం కాబోతుంది. పోతే, ఈ సినిమా ఫిబ్రవరి 17న పాన్ ఇండియా భాషల్లో గ్రాండ్ రిలీజ్ కాబోతుంది.
|
|