ట్రెండింగ్
విజయవాడలో VBVK ప్రమోషన్స్ చేస్తున్న కిరణ్ అబ్బవరం
cinema | Suryaa Desk | Published : Wed, Jan 18, 2023, 06:25 PM
కిరణ్ అబ్బవరం, కాశ్మీర పరదేశీ జంటగా నటిస్తున్న సినిమా "వినరో భాగ్యము విష్ణుకథ". మురళీ కిషోర్ అబ్బూరు డైరెక్షన్లో ఫ్యామిలీ యాక్షన్ ఎంటర్టైనర్ గా రూపొందుతున్న ఈ సినిమా ఫిబ్రవరి 17న విడుదల కావడానికి రెడీ అవుతుంది.
విడుదల తేదీ దగ్గరపడుతున్న నేపథ్యంలో కిరణ్ అబ్బవరం VBVK ప్రచార కార్యక్రమాలను ఇరు తెలుగు రాష్ట్రాలలో ముమ్మరంగా చేస్తున్నారు. ఇప్పటికే పలు ఊళ్లలో VBVK ప్రచార కార్యక్రమాల్లో పాల్గొన్న హీరో కిరణ్ అబ్బవరం తాజాగా విజయవాడ ప్రచారంలో పాల్గొన్నారు. ఈ మేరకు విజయవాడ రాజ్ యువరాజ్ థియేటర్ను చిత్రబృందం సందర్శించి మీడియాతో ముచ్చటించింది. రెడ్ ఎఫ్ ఎం లో కూడా చిత్రబృందం ప్రచారం చేసింది.
చేతన్ భరద్వాజ్ సంగీతం అందిస్తున్న ఈ చిత్రాన్ని గీతా ఆర్ట్స్ 2 బ్యానర్లో బన్నీ వాసు నిర్మిస్తున్నారు. అల్లు అరవింద్ గారు సమర్పిస్తున్నారు
|
|