మెగా హీరో 'గాందీవధారి అర్జున' పై కీలక అప్డేట్
cinema | Suryaa Desk | Published : Fri, Jan 20, 2023, 08:50 PM
టాలీవుడ్ మెగా ప్రిన్స్ వరుణ్ తేజ్ దర్శకుడు ప్రవీణ్ సత్తారుతో కలిసి ఒక సినిమా చేస్తున్న సంగతి అందరికి తెలిసిన విషయమే. యాక్షన్ డ్రామా ట్రాక్ లో రానున్న ఈ సినిమాకి 'గాందీవధారి అర్జున' అనే టైటిల్ ని మూవీ మేకర్స్ లాక్ చేసారు. ఈ సినిమా నుండి విడుదలైన టైటిల్ మరియు మోషన్ పోస్టర్కి ప్రేక్షకుల నుండి మంచి స్పందన వచ్చింది.
లేటెస్ట్ అప్డేట్ ప్రకారం, ప్రస్తుతం 50% షూటింగ్ పూర్తయిందని మిగిలిన భాగాన్ని మార్చి నెలాఖరులోగా పూర్తి చేస్తారని తాజా సమాచారం. తదుపరి షెడ్యూల్ ఫిబ్రవరి మొదటి వారంలో ప్రారంభం కానుందని వార్తలు వినిపిస్తున్నాయి. యూరప్, ఢిల్లీ, ఉత్తరాఖండ్లలో రాబోయే షెడ్యూల్స్ జరగనున్నాయి. ఈ సమ్మర్లో సినిమా ప్రేక్షకుల ముందుకు వచ్చే అవకాశం ఉంది.
ఈ సినిమాలో వరుణ్ సరసన జోడిగా సాక్షి వైద్య కనిపించనుంది. విమలా రామన్, నాజర్ మరియు వినయ్ రాయ్ ఈ చిత్రంలో ముఖ్యమైన పాత్రల్లో నటిస్తున్నారు. శ్రీ వెంకటేశ్వర సినీ చిత్ర పతాకంపై బివిఎస్ఎన్ ప్రసాద్ అండ్ బాపినీడు ఈ సినిమాని నిర్మిస్తున్నారు. మిక్కీ జె మేయర్ సంగీతం అందిస్తున్నారు.
|
|