చిరంజీవి రిలీజ్ చేసిన 'వసంత కోకిల' ట్రైలర్
cinema | Suryaa Desk | Published : Mon, Feb 06, 2023, 04:57 PM
మెగాస్టార్ చిరంజీవి గారి రీసెంట్ మూవీ "వాల్తేరు వీరయ్య" లో సోలమన్ సీజర్ గా పవర్ఫుల్ విలన్ రోల్ లో కనిపించి తెలుగు ప్రేక్షకులను మెప్పించారు కన్నడ నటుడు బాబీ సింహ. ఇప్పుడు ఆయన హీరోగా నటిస్తున్న చిత్రం "వసంత ముల్లై / వసంత కోకిల".
కన్నడ, తమిళ్, తెలుగు త్రిభాషా చిత్రంగా రూపొందుతున్న ఈ సినిమా యొక్క ట్రైలర్ విడుదలైంది. తెలుగు ట్రైలర్ ను మెగాస్టార్ చిరంజీవి గారు విడుదల చేసి, చిత్రబృందానికి శుభాకాంక్షలను తెలియచేసారు. ఇక, ట్రైలర్ విషయానికొస్తే, ఇదొక మిస్టరీ లవ్ ఎంటర్టైనర్ గా రూపొందినట్టు కనిపిస్తుంది. కోలీవుడ్ స్టార్ హీరో ఆర్య ఈ సినిమాలో కీలకపాత్రలో నటిస్తున్నారు. కాశ్మీర పరదేశి హీరోయిన్ గా నటిస్తున్న ఈ సినిమాను రమణ పురుషోత్తమ తెరకెక్కించారు. రాజేష్ మురుగేశన్ సంగీతం అందించారు.
పోతే, తమిళం, తెలుగు, కన్నడ భాషలలో ఈ సినిమా ఈ నెల 10వ తేదీన థియేటర్లకు రాబోతుంది.
|
|