అఫీషియల్ : వాల్తేరు వీరయ్య డిజిటల్ ఎంట్రీ డేట్ ఫిక్స్..!!
cinema | Suryaa Desk | Published : Tue, Feb 07, 2023, 01:46 PM
మెగాస్టార్ చిరంజీవి గారు నటించిన "వాల్తేరు వీరయ్య" సంక్రాంతి కానుకగా ధియేటర్లకొచ్చి, అశేష ప్రేక్షకాభిమానుల నీరాజనాలు అందుకుంటున్న విషయం తెలిసిందే. బాక్సాఫీస్ వద్ద మెగా మాస్ కలెక్షన్లను రాబడుతున్న ఈ సినిమా ఇప్పటివరకు 200కోట్లకు పైగా వరల్డ్ వైడ్ గ్రాస్ వసూళ్లను రాబట్టింది.
25 రోజుల సక్సెస్ఫుల్ థియేటర్ రన్ పూర్తి చేసుకుని, ఇప్పటికీ బాక్సాఫీస్ వద్ద మంచి కలెక్షన్లను రాబడుతున్న వాల్తేరు వీరయ్య తాజాగా డిజిటల్ ప్రీమియర్ కి రెడీ అయ్యింది. ఈ నెల 27 నుండి నెట్ ఫ్లిక్స్ లో వాల్తేరు వీరయ్య డిజిటల్ ప్రీమియర్ కాబోతుందని అధికారికంగా తెలుస్తుంది.
డైరెక్టర్ బాబీ రూపొందించిన ఈ కామెడీ యాక్షన్ ఎంటర్టైనర్లో మాస్ రాజా రవితేజ క్రూషియల్ రోల్ లో నటించారు. శృతి హాసన్, క్యాథెరిన్ ట్రెసా, బాబీ సింహ, ప్రకాష్ రాజ్, రాజేంద్ర ప్రసాద్, సుబ్బరాజ్, వెన్నెల కిషోర్, సప్తగిరి, శ్రీనివాస రెడ్డి కీరోల్స్ లో నటించారు.
|
|