దసరా లోని 'ఓరి వారి' సాంగ్ విడుదలకి తేదీ లాక్
cinema | Suryaa Desk | Published : Fri, Feb 10, 2023, 04:42 PM
శ్రీకాంత్ ఓదెల దర్శకత్వంలో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఇటీవల విడుదలైన ఈ సినిమా టీజర్‌కు అనూహ్యమైన స్పందన వచ్చింది. ఈ సినిమా పోస్ట్ ప్రొడక్షన్ దశలో ఉండగా, మూవీ మేకర్స్ ఇప్పుడు ఓరి వారి అనే రెండవ పాటకు సంబంధించిన అప్‌డేట్‌ను వెల్లడించారు. ప్రేమికుల దినోత్సవానికి ఒక రోజు ముందు ఫిబ్రవరి 13న ఈ పాటను విడుదల చేస్తున్నట్లు ప్రకటించారు.
యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. ఈ సినిమా 30 మార్చి 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు
|
|
