కొత్త విడుదల తేదీని లాక్ చేసిన 'శాకుంతలం'
cinema | Suryaa Desk | Published : Fri, Feb 10, 2023, 06:07 PM
గుణశేఖర్ దర్శకత్వంలో సౌత్ ఇండియా స్టార్ బ్యూటీ సమంత 'శకుంతలం' సినిమా చేస్తున్న సంగతి అందరికి తెలిసిందే. ఈ పిరియాడిక్ మైథలాజికల్ లవ్ డ్రామా షూటింగ్ ని కంప్లీట్ చేసినట్లు సమాచారం. ఈ చిత్రం ఫిబ్రవరి 17న విడుదల కావాల్సి ఉండగా, కొన్ని కారణాల వల్ల నిర్మాతలు వాయిదా వేశారు.
తాజాగా ఇప్పుడు ఈ పాన్-ఇండియన్ పీరియాడికల్ చిత్రాన్ని 2023 ఏప్రిల్ 14న ప్రపంచ వ్యాప్తంగా విడుదల చేయనున్నట్లు ప్రకటించారు. ఇదే విషయాన్ని వెల్లడించేందుకు అన్ని ముఖ్యమైన తారాగణంతో కూడిన అద్భుతమైన పోస్టర్‌ను మేకర్స్ విడుదల చేసారు.
ఈ చిత్రంలో దేవ్ మోహన్ దుష్యంత పాత్రలో నటిస్తుండగా, అల్లు అర్జున్ కూతురు అర్హ ఈ చిత్రంలో ప్రిన్స్ భరతుడిగా కనిపించనుంది. ఈ చిత్రంలో మోహన్ బాబు, అదితి బాలన్, ప్రకాష్ రాజ్, అనన్య నాగళ్ల, గౌతమి, కబీర్ బేడీ, మధుబాల, కబీర్ దుహన్ సింగ్ ముఖ్య పాత్రలు పోషిస్తున్నారు. మణిశర్మ ఈ సినిమాకి సంగీతం అందించాడు.
|
|
