'RC15' గురించి సాలిడ్ అప్డేట్ ని వెల్లడించిన శంకర్
cinema | Suryaa Desk | Published : Fri, Feb 10, 2023, 07:01 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ 'RC15' సినిమా చేస్తున్న సంగతి తెలిసిందే. ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. తాజాగా ఇప్పుడు ఈ చిత్రానికి సంబంధించిన ప్రత్యేక సమాచారాన్ని దర్శకుడు పంచుకున్నారు. శంకర్ షణ్ముగం తన ట్విట్టర్‌లో RC15 యొక్క తదుపరి షెడ్యూల్ హైదరాబాద్‌లోని ఐకానిక్ చార్మినార్‌లో ప్రారంభమవుతుందని వెల్లడించారు. శంకర్ చారిత్రక స్మారక చిహ్నం ముందు నిలబడి ఉన్న తన చిత్రాన్ని పోస్ట్ చేసి ఈ విషయాన్ని ప్రకటించారు.
అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. రామ్ చరణ్ ద్విపాత్రాభినయం చేస్తున్న ఈ సినిమాలో ఒక పాత్రలో ఐఏఎస్ అధికారిగా, మరో పాత్రలో పల్లెటూరి వ్యక్తిగా కనిపించనున్నాడు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|