విలక్షణ నటుడు జగపతిబాబుకి పుట్టినరోజు శుభాకాంక్షలు ..!!
cinema | Suryaa Desk | Published : Sun, Feb 12, 2023, 04:18 PM
హీరోగా సినీప్రస్థానం మొదలెట్టి, తాజాగా విలక్షణ నటుడిగా యూటర్న్ తీసుకుని తెలుగు ప్రేక్షకుల హృదయాలలో చిరస్థానం సంపాదించుకున్న నటుడు జగపతిబాబు గారు. ఈ రోజు ఆయన 61వ పుట్టినరోజును జరుపుకుంటున్నారు. ఈ సందర్భంగా ప్రేక్షకాభిమానులు ఆయనకు పుట్టినరోజు శుభాకాంక్షలను తెలియచేస్తున్నారు.
జగపతి బాబు గారి తండ్రి వీబీ రాజేంద్రప్రసాద్ గారు పెద్ద నిర్మాత, దర్శకుడు. తండ్రి దర్శకత్వంలో రూపొందిన 'సింహస్వప్నం' సినిమాతో టాలీవుడ్ కి పరిచయమైన జగపతి బాబు వరస పరాజయాలను చవిచూశారు. ఆపై జగన్నాటకం, పెద్దరికం, గాయం సినిమాలు ఆయనను హీరోని చేసాయి. 1994లో SV కృష్ణారెడ్డి దర్శకత్వంలో వచ్చిన శుభలగ్నం సినిమాతో ఫ్యామిలీ ఆడియన్స్ కి చేరువైన జగపతిబాబు గారు ఆపై మావిచిగురు, పెళ్లిపీటలు సినిమాలతో సూపర్ హిట్స్ అందుకున్నారు.
25ఏళ్ళ సినీ జీవితంలో ఎన్నో ఒడిదుడుకులను ఎదురుకొన్న జగపతి బాబు గారు మేల్ లీడ్ రోల్స్ కి స్వస్తి చెప్పి, విలక్షణ నటుడిగా మారారు. నందమూరి బాలకృష - బోయపాటి శ్రీను కలయికలో వచ్చిన 'లెజెండ్' చిత్రంతో జగపతిబాబు గారు సెకండ్ ఇన్నింగ్స్ స్టార్ట్ చేసారు.
|
|