'సార్' కోసం 'వాల్తేరు వీరయ్య' రాబోతున్నాడా..?
cinema | Suryaa Desk | Published : Tue, Feb 14, 2023, 12:22 PM
టాలీవుడ్ డైరెక్టర్ వెంకీ అట్లూరి దర్శకత్వంలో, కోలీవుడ్ స్టార్ హీరో ధనుష్, సంయుక్తా మీనన్ జంటగా నటించిన చిత్రం "సార్". నాగవంశీ, సాయి సౌజన్య నిర్మిస్తున్న ఈ సినిమాకు జీవీ ప్రకాష్ కుమార్ సంగీతం అందించారు. ఈనెల 17వ తేదీన తెలుగు, తమిళ భాషలలో విడుదల కావడానికి సిద్ధంగా ఉంది.
ఈ సినిమా యొక్క తెలుగు ప్రీ రిలీజ్ ఈవెంట్ కోసం మేకర్స్ మెగా కాంపౌండ్ కి ఆహ్వానం పంపినట్టుగా తెలుస్తుంది. అదికూడా మెగాస్టార్ చిరంజీవి గారు ఈవెంట్ కి చీఫ్ గెస్ట్ గా హాజరై, తొలిసారి తెలుగులో డైరెక్ట్ ఎంట్రీ ఇస్తున్న హీరో ధనుష్ కి టాలీవుడ్ తరపున గ్రాండ్ వెల్కమ్ పలకబోతున్నారని టాక్. మరి, ఈ విషయమై అఫీషియల్ క్లారిటీ రావాల్సి ఉంది.
పోతే, కాసేపటి క్రితమే సార్ మేకర్స్ నుండి ప్రీ రిలీజ్ ఈవెంట్ అప్డేట్ వచ్చింది. ఈ మేరకు రేపు హైదరాబాద్, నెక్లెస్ రోడ్ లోని పీపుల్స్ ప్లాజాలో సార్ ప్రీ రిలీజ్ ఈవెంట్ గ్రాండ్ గా జరగబోతుందని తెలుస్తుంది.
|
|