తెలుగురాష్ట్రాలలో ధనుష్ 'సర్' కోసం మరిన్ని ప్రీమియర్ షోలు
cinema | Suryaa Desk | Published : Thu, Feb 16, 2023, 04:50 PM
వెంకీ అట్లూరి దర్శకత్వంలో కోలీవుడ్ స్టార్ హీరో ధనుష్ ఒక సినిమాని ప్రకటించిన సంగతి అందరికి తెలిసిందే. తెలుగు ద్విభాషా సినిమాగా రూపొందుతున్న ఈ చిత్రానికి తమిళంలో "వాతి" అని తెలుగులో "సర్" టైటిల్ ని ప్రకటించారు. ఈ సినిమాలో మలయాళ నటి సంయుక్తా మీనన్‌ కథానాయికగా నటిస్తుంది. ఈ చిత్రం ఫిబ్రవరి 17, 2023న ప్రేక్షకుల ముందుకు రానుంది.
ప్రీమియర్ షోలకు భారీ స్పందన రావడంతో, ఆంధ్రప్రదేశ్ మరియు తెలంగాణలోని ఇతర ప్రాంతాలలో మరిన్ని షోలను ప్లాన్ చేయాలని మూవీ మేకర్స్ నిర్ణయించుకున్నారు. అందుకే ఈరోజు వైజాగ్, విజయవాడ, గుంటూరు, నెల్లూరు, రాజమండ్రి, కాకినాడలోని ఎంపిక చేసిన థియేటర్లలో ఈ సినిమా ప్రీమియర్ షోలు వేయనున్నారు.
ఈ సినిమాలో తనికెళ్ల భరణి, సాయి కుమార్, నర్రా శ్రీనివాస్, హైపర్ ఆది కీలక పాత్రల్లో నటిస్తున్నారు. సితార ఎంటర్‌టైన్‌మెంట్స్ మరియు ఫార్చూన్ ఫోర్ సినిమాస్ బ్యానర్‌లపై సూర్య దేవర నాగవంశీ మరియు సాయి సౌజన్య సంయుక్తంగా "సర్" చిత్రాన్ని నిర్మిస్తున్నారు.
|
|