'దసరా' నైజాం రైట్స్ ని భారీ మొత్తానికి సొంతం చేసుకున్న దిల్ రాజు
cinema | Suryaa Desk | Published : Thu, Feb 16, 2023, 04:57 PM
శ్రీకాంత్ ఓదెల దర్శకత్వంలో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఈ సినిమా 30 మార్చి, 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.
తాజాగా ఇప్పుడు ఈ సినిమా కోసం స్టార్ ప్రొడ్యూసర్ దిల్ రాజు భారీ మొత్తంలో డబ్బు చెల్లించాడని వార్తలు వినిపిస్తున్నాయి. దసరా నైజాం రీజియన్ థియేట్రికల్ రైట్స్ కోసం దిల్ రాజు 30 కోట్ల రూపాయలను చెల్లించినట్లు సమాచారం. ఇది నాని కెరీర్‌లో అతిపెద్ద నైజాం రీజియన్ నంబర్ అని చెప్పొచ్చు. నైజాం ప్రేక్షకులకు బాగా కనెక్ట్ అయ్యేలా మాస్ ఫ్యాక్టర్, గ్రామీణ తెలంగాణ బ్యాక్‌డ్రాప్‌తో సినిమా ఉంటుందని దిల్ రాజు భావిస్తున్నట్లు సమాచారం.
యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|