రేపు 'ఆహా'లో త్రిబుల్ ధమాకా..!!
cinema | Suryaa Desk | Published : Thu, Feb 16, 2023, 06:27 PM
మొట్టమొదటి తెలుగు ఓటిటి ఆహా లో రేపు ఒకేసారి మూడు సినిమాలు డిజిటల్ స్ట్రీమింగ్ కి అందుబాటులోకి రాబోతున్నాయి. దీంతో ఆహా సబ్స్క్రైబర్లకు త్రిబుల్ ధమాకా దక్కినట్టయ్యింది. ఇంతకీ ఆ సినిమాలు ఏంటంటే.. కళ్యాణం కమనీయం, గాలోడు, లక్కీ లక్ష్మణ్.
ప్రేమ, పెళ్లి నేపథ్యంలో రూపొందిన "కళ్యాణం కమనీయం" మూవీ సంక్రాంతి కానుకగా విడుదలై, డీసెంట్ హిట్ కొట్టింది. యువనటుడు సంతోష్ శోభన్, ప్రియా భవాని శంకర్ హీరోయిన్లుగా నటించిన ఈ సినిమాకు అనిల్ కుమార్ దర్శకుడిగా వ్యవహరించారు.
రాజశేఖర్ పులిచర్ల డైరెక్షన్లో కమర్షియల్ యాక్షన్ ఎంటర్టైనర్ గా రూపొందిన "గాలోడు" లో బుల్లితెర సూపర్ స్టార్ సుడిగాలి సుధీర్, గెహన సిప్పి జంటగా నటించారు. బాక్సాఫీస్ వద్ద ఈ సినిమా సూపర్ హిట్ అయ్యింది.
జీవితంలో తగిలిన ఎదురు దెబ్బలతో సక్సెస్ఫుల్ గా మారిన ఒక లక్ష్మణుడి కథగా, యూత్ ఫుల్ కామెడీ ఎంటర్టైనర్ గా దర్శకుడు AR అభి రూపొందించిన లక్కీ లక్ష్మణ్ లో బిగ్ బాస్ ఫేమ్ సోహెల్ రియాన్, మోక్ష జంటగా నటించారు.
|
|
