సెన్సార్ ఫార్మాలిటీలను క్లియర్ చేసుకున్న 'శ్రీదేవి శోబన్ బాబు'
cinema | Suryaa Desk | Published : Fri, Feb 17, 2023, 04:01 PM
టాలీవుడ్ యంగ్ అండ్ టాలెంటెడ్ హీరో సంతోష్ శోభన్ పేపర్ బాయ్, మంచి రోజులు వచ్చాయి వంటి సినిమాలతో మంచి పేరు తెచ్చుకున్నాడు. తాజాగా ఇప్పుడు, ప్రశాంత్ కుమార్ దిమ్మల దర్శకత్వం వహిస్తున్న సినిమాతో ప్రేక్షకుల ముందుకు వస్తున్నాడు. ఈ సినిమాకి 'శ్రీదేవి శోబన్ బాబు' అనే టైటిల్ ని మేకర్స్ లాక్ చేసారు. రొమాంటిక్ ట్రాక్ లో రానున్న ఈ సినిమాలో సంతోష్ శోభన్ సరసన కోలీవుడ్ బ్యూటీ గౌరీ జి కిషన్ జంటగా నటిస్తుంది.
ఈ యూత్ ఫుల్ రొమాంటిక్ సినిమా రేపు థియేటర్లలో విడుదల కానుంది. లేటెస్ట్ రిపోర్ట్స్ ప్రకారం, ఈ సినిమా సెన్సార్ ఫార్మాలిటీస్ పూర్తి చేసుకుని CBFC నుండి U/A సర్టిఫికేట్ పొందింది. నాగబాబు, రోహిణి తదితరులు ఈ సినిమాలో సహాయక పాత్రల్లో నటిస్తున్నారు. గోల్డ్‌బాక్స్ ఎంటర్‌టైన్‌మెంట్ బ్యానర్‌పై ఈ సినిమా నిర్మించబడింది. మెగాస్టార్ చిరంజీవి కూతురు సుష్మిత కొణిదెల నిర్మిస్తున్న ఈ చిత్రానికి కమ్రాన్ సంగీతం అందించారు.
|
|