ట్రెండింగ్
ఇండస్ట్రీలో పుష్కరకాలాన్ని పూర్తి చేసుకున్న లవ్లీ హీరో
cinema | Suryaa Desk | Published : Sat, Feb 25, 2023, 04:34 PM
"ప్రేమ కావాలి" సినిమాతో 2011లో తెలుగు తెరకు పరిచయమైన స్టార్ కిడ్ ఆది సాయికుమార్. డైలాగ్ కింగ్ సాయికుమార్ గారి నటవారసుడిగా సినీరంగ ప్రవేశం చేసిన ఆది తొలి సినిమాతోనే ఫిలింఫేర్, సైమా అవార్డులను అందుకున్నారు. ఆపై లవ్లీ, సుకుమారుడు, ప్యార్ మే పడిపోయానే, శమంతకమణి వంటి సూపర్ హిట్ చిత్రాలలో ఆది హీరోగా నటించాడు.
కొన్నాళ్ళబట్టి ఆది నటించిన సినిమాలేవీ బాక్సాఫీస్ వద్ద సత్తా చాటలేకపోతున్నాయి. అయినా ఏమాత్రం వెనుకడుగు వేయకుండా, నిరంతరం కష్టపడుతూ విజయంకోసం తీవ్రంగా కాంక్షిస్తున్న ఆది ఈ రోజుతో ఇండస్ట్రీలోకి అడుగుపెట్టి పుష్కరకాలన్ని పూర్తి చేసుకుంటున్నారు.
ఆది నటించిన తొలి సినిమా ప్రేమ కావాలి సరిగ్గా ఇదే రోజున 2011లో విడుదలయ్యింది. విజయ్ భాస్కర్ దర్శకత్వంలో యూత్ ఫుల్ లవ్ ఎంటర్టైనర్ గా రూపొందిన ఈ సినిమా సూపర్ హిట్ అయ్యింది.
|
|