'రావణాసుర' టీజర్ విడుదలకి తేదీ లాక్
cinema | Suryaa Desk | Published : Wed, Mar 01, 2023, 04:38 PM
టాలీవుడ్ మాస్ మహారాజా రవితేజ యువ దర్శకుడు సుధీర్ వర్మతో కలిసి 'రావణాసుర' అనే యాక్షన్ థ్రిల్లర్ మూవీ చేస్తున్న సంగతి అందరికి తెలిసందే. ఈ చిత్రం 2023 ఏప్రిల్ 7న థియేటర్లలో గ్రాండ్ రిలీజ్‌కి సిద్ధంగా ఉంది. ఇప్పటికే ఈ సినిమా షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటోంది. అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగర్కర్ అండ్ పూజిత పొన్నాడ ఈ చిత్రంలో కథానాయికలుగా నటిస్తున్నారు.
లేటెస్ట్ అప్‌డేట్ ప్రకారం, ఈ సినిమా టీజర్‌ను మార్చి 6 ఉదయం 10:08 గంటలకు లాంచ్ చేయనున్నారు. ఇదే విషయాన్ని తెలియజేసేందుకు మూవీ మేకర్స్ రవితేజ ఉన్న పోస్టర్‌ను విడుదల చేశారు. ఈ కొత్త పోస్టర్‌లో రవితేజ ట్రెండీ లుక్ లో కనిపిస్తున్నాడు.
ఈ యాక్షన్ థ్రిల్లర్ సినిమాలో హీరో సుశాంత్, రావు రమేష్, మురళీ శర్మ, సంపత్ రాజ్, నితిన్ మెహతా, సత్య, జయ ప్రకాష్ తదితరులు కీలక పాత్రలో కనిపించనున్నారు. అభిషేక్ పిక్చర్స్ అండ్ ఆర్‌టి టీమ్‌వర్క్స్ ఈ సినిమాని నిర్మిస్తున్నారు. ఈ చిత్రానికి హర్షవర్దన్ రామేశ్వర్ మరియు భీమ్స్ సిసిరోలియో సంగీతం అందించారు.
|
|